अंजोर.बालोद, 17 मई 2021। थाना महामाया के गांव कुमुरकट्टा के उमा मण्डावी पति संतराम मण्डावी उमर 36 साल के अज्ञात मनखे डहर हत्या के प्रार्थी संतराम मण्डावी डहर लिखाये रिर्पोट 05/2021 धारा 307,302, 34 भादवि के आधार म विवेचना म ले गिस। मामला के गंभीरता ले लेवत वरिष्ठ पुलिस अधीक्षक बालोद जितेन्द्र सिंह मीणा के मार्गदर्शन अउ अतिरिक्त पुलिस अधीक्षक डी.आर पोर्ते के निर्देशन म नगर पुलिस अधीक्षक राजहरा अब्दुल अलीम खान के पर्यवेक्षण म सायबर सेल, थाना महामाया, थाना डौण्डी के विशेष टीम गठित करे गिस।
टीम डहर ले घटना जगह म जाके गांव म कैम्प करके घटना के संबध म जरूरी जानकारी ले गिस। तकनीकी साक्ष्य अउ महामाया ले राजहरा तक के सीसीटीवी फुटेज के बारिकी ले एनालिसिस करे गिस, अउ गांव के कई लोगन ले घटना के संबंध म जानकारी लेके सरलग संदेही मन उपर नजर रखे गिस। संदेही ताम्रध्वज पिता शिशुपाल उमर 33 साल निवासी बंजरंग चैक महामाया जिला बालोद के बारिकी ले पूछताछ करे म आरोपी डहर ले बताइन के ओला शक रिहिस के मृतिका उमा बाई मण्डावी के डहर ले आरोपी ताम्रध्वज ल आश्रम ले भगाये के खातिर गांव के लोगन ल भड़कात रिहिस। इही शक म आरोपी ताम्रध्वज परेशान होके ओला जान से मारे के योजना बनाके मउका मिलते ही मृतिका उमा बाई मण्डावी के सिर म कुल्हाड़ी ले प्राणघात हमला करके उंकर हत्या कर दिस। अउ श्रीमती दुर्गा बाई पति स्व. मगलू राम निवासी बंजरंग चैक महामाया जिला बालोद के संग मृतिका के उठाकर सुनसान जगह म फेंक दे। प्रकरण के 2 आन आरोपी के विधिवत गिरफ्तार करके माननीय न्यायालय के समक्ष पेश करके न्यायिक रिमाण्ड म भेजा गे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।