अंजोर.बीजापुर, 31 मई 2021। टीबी (Tuberculosi) म रोकथाम अउ राष्ट्रीय क्षयरोग उन्मूलन कार्यक्रम के क्रियान्वयन म बीजापुर छत्तीसगढ़ राज्य म पहिली ठऊर म हावय। साल 2020 के बखत सबोच तिमाही म उहां एमा प्रभावी रोकथाम के खातिर करे गे बुता के मूल्यांकन के बाद पूरा प्रदेश म बीजापुर जिला ल सबले जादा अंक मिले हावयं। राष्ट्रीय क्षयरोग उन्मूलन कार्यक्रम के क्रियान्वयन म सुकमा जिला दूसरा, कोरिया तीसरा, गरियाबंद चौथा अउ नारायणपुर जिला पांचवा ठऊर म हावय।
टीबी की जांच के खातिर जिला म कार्यरत माइक्रोस्कोपिक सेंटर के संख्या, संदिग्ध मरीज मन के पहचान, उंकर जांच अउ उपचार के सुविधा, पंजीकृत मरीज मन के दे जाये वाला डीबीटी (Direct Benefit Transfer) लाभ, डीआरटी (Drug & Resistant TB) मरीज मन के संख्या, मरीज मन के खातिर दवई मन के बेवस्था अउ उंकर इलाज के फॉलो-अप के आधार म प्रदेश के सबो जिला म टीबी रोकथाम बुता के रैंकिंग तइयार करे गिस हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।