पूर्व मुख्यमंत्री अउ भाजपा के ललकार, मोला गिरफ्तार करो सरकार

अंजोर.रायपुर, 24 मई 2021। प्रदेश सरकार अउ भाजपा के बीच के जुबानी जंग अब अऊ जादा बिकराल होवत, थाना अउ न्यायालय तक पहुंचत हावय। आम आदमी के बात होतिस त संसो के बात होतिस फेर येतो नेतागिरी म आम होगे हावय। जानबा होवय के भाजपा के राष्ट्रीय उपाध्यक्ष अउ पूर्व मुख्यमंत्री डॉ. रमनसिंह सहित बड़का नेता मन उपर कांग्रेस कार्यकर्ता मन कोति ले टूलकिट मामला म एफआईआर कराये गे हावय। 

डॉ. रमन सिंह भाजपा के राष्ट्रीय प्रवक्ताल संदीप पात्र उपर रायपुर के सिविल लाइन थाना म मामला दर्ज हावय। जेमा थाना कोति ले ओमन ल नोटिस भेजे गे हावय। नोटिस के लिखित जवाब संग आज भाजपा ह उही थाना म जबर धरना प्रदर्शन तको करस दिस। धरना म पूर्व मुख्यमंत्री डॉ. रमन सिंह के संग भाजपा प्रदेश अध्यक्ष विष्णुादेव साय, नेता प्रतिपक्ष धरमलाल कौशिक, पूर्व मंत्री बृजमोहन अग्रवाल अउ राजेश मूणत सामिल रिहिन। 

ये मउका म ओमन किहिन के- "आरंभ हे प्रचंड हे" कांग्रेस के दमन के खिलाफ आज सिविल लाइन थाना तिर धरना प्रदर्शन। देशविरोधी टूलकिट-गैंग अउ डॉ रमन म ठनी, ये लड़ाई म हम देश के साथ हन, डॉ रमन के साथ हाबन।

धरना के संगे संग सबो नेता मन सोशल मीडिया म तको अपन विराध दर्ज कराये हावय- 

• राजेश मूणत - 'दम है कितना दमन में तेरे, देखा है और देखेंगे..., टूलकिट गुप्त दस्तावेज बनाकर देश के खिलाफ षड़यंत्र करने वाले, हमारे नेताओं पर झूठे FIR करने वाली लोकतंत्र और अभिव्यक्ति की हत्यारी सरकार के खिलाफ धरना। 
• धरमलाल कौशिक - ‘हमारा विरोध जारी है और रहेगा। हम सब ने धरना दिया।
• डॉ. रमनसिंह - कांग्रेस के छल, दंभ, झूठ और अन्याय से भाजपा का कार्यकर्ता न कभी डरा है और न कभी डरेगा। लोकतंत्र और राष्ट्र की रक्षा के लिए हम हर कीमत पर लड़ाई लड़ेंगे और जीतेंगे। सिविल लाइन थाने के बाहर आज भाजपा के वरिष्ठ नेताओं के साथ कांग्रेस के दमन के खिलाफ धरना प्रदर्शन में शामिल हुआ। बोलने की आज़ादी का सम्मान करो... सम्मान करो...