गर्भवती अउ कुपोषित लइका ल आंगनबाड़ी केंद्र म बने पोषण वाटिका ले ही मिलही पोषण आहार

अंजोर.नारायणपुर,3 मई 2021। नारायणपुर जिला के आंगनबाड़ी केंद्र म महिला अउ बाल विकास विभाग के मदद ले आंगनबाड़ी कार्यकर्ता, सहायिका ह गांव के महिला मन के संग मिलके पोषण वाटिका तइयार करे हावय। येकर ले अब ओला ताज, हरा अउ पोषण ले भरपूर सब्जी मिलत हावय। पोषण वाटिका ले गर्भवती महिला अउ कुपोषित बच्च मनके सेहत म सुधार आही। कोरोना वायरस संक्रमण के सेती वर्तमान म आंगनबाड़ी केन्द्र ल बंद रखे गे हावय, हितग्राही ल मिले वाले सामग्री के वितरण आंगनबाड़ी कार्यकर्ता डहर ले उंकर घर-घर पहुंच के करे जा रिहिन हावय। पोषण अभियान ले महिला अउ बाल विकास परियोजना के अधिकारी मन अउ पर्यवेक्षक मनके मार्गदर्शन म पोषण वाटिका के निर्माण करे गे हावय। 

आंगनबाड़ी केंद्र म निरीक्षण के बखत महसूस होइस के सरलग हरा सब्जी नइ मिल पाये के सेती पोषण म कमी आत हावय। जेकर पाछू गरम भोजन तइयार करइया समूह, आंगनबाड़ी कार्यकर्ता, सहायिका ले चर्चा करके पोषण वाटिका विकसित करे के फइसला लिस। नारायणपुर जिला म 273 आंगनबाड़ी केन्द्र म पोषण वाटिका तइयार करे जा चुके हावय। पोषण वाटिका बनाये के उद्देश्य बच्च अउ गर्भवती माता म एनीमिया अउ कुपोषण के दूर करना हावय जेकर ले कुपोषण मुक्त अउ स्वास्थ्य छत्तीसगढ़ के संकल्पना ल साकार करे जा सके, संग ही समूह के महिला ल आत्मनिर्भर बनाके उंकर आर्थिक स्थिति भी मजबूत करे जा सके।