अंजोर.रायपुर। कोरोना ह आज अइसन रूप म हावय के कोन ल पहिली अउ कोन ल आखरी केहे जाए कुछ न सूझत हावय। हरेक मनखे कोनो न कोनो रूप म अपन योगदान देवत हावय। फेर ये बीच जेन मन दिन रात कोरोना संक्रमित मनके बीच काम करत हावय ओमन ल पहिली प्राथमिकता देवत फ्रंट लाइन वर्कर रूप म लाभ दे जावत हावय।
अब मीडिया कर्मी मनला तको विशेष परिस्थिति म काम करे के जोखिम के सेती फ्रंट लाइन वर्कर घोषित करे मांग उठत हावय। कई प्रदेश ह पत्रकार मनला फ्रंट लाइन वर्कर घोषित तको करे हावय। इही म छत्तीसगढ़ के पूर्व मुख्यमंत्री डॉ. रमनसिंह ह प्रदेश सरकार के मुखिया भूपेश बघेल ल चिट्ठी लिखके मीडिया कर्मी मनला तको फ्रंट लाइन वर्कर घोषित करे के मांग करे हावय।
डॉ. सिंह किथे के कोरोना आपदा काल म चिन्हाकिंत फन्ट लाईन वर्कस के अलावा ये लड़ाई म मीडिया कर्मी मनके भी महत्वपूर्ण हावय। अपन जान जोखिम म डालके सरकार अउ जनता के बीच सूचना सेतू बनके काम करत हावय। ये कठिन बेरा म कई पत्रकार साथी कोरोना म अपन जान गवां डरिस अउ मध्यप्रदेश, उत्तरप्रदेश समेत कई राज्य सरकार पत्रकार मनला कोरोना फट लाईन वर्कर मानत उंकर फिकर करे हावय। ये सेती छत्तीसगढ़ म तको पत्रकार मनला फन्ट लाईन वर्कर मानत ये श्रेणी म रखे गे आन मन सहिक सुरक्षा प्रदान करय अउ उंकर संग परिजन मनला तको कोविड टीकाकरण म प्राथमिकता देवय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।