गौतमचंद पाटिल ल मिलिस एसडीएम कोण्डागांव के जिम्मेदारी, बीएमओ फरसगांव ल कारण बताओ नोटिस

अंजोर.कोण्डागांव, 25 मई 2021। कलेक्टर पुष्पेन्द्र कुमार मीणा ह प्रशासनिक बुता बेवस्था ज देखते आदेश जारी करके डिप्टी कलेक्टर गौतम चंद पाटिल ल अस्थायी रूप ले अवइया आदेश पर्यन्त तक अनुविभागीय अधिकारी (राजस्व)/अनुविभागीय दण्डाधिकारी कोण्डागांव, नायब तहसीलदार फरसगांव हार्दिक श्रीवास्तव ल तहसीलदार कोण्डागांव अउ नायब तहसीलदार उप तहसील बड़ेडोंगर उईस्यानी के. मानकर ल तहसीलदार फरसगांव अउ उप तहसील बड़ेडोंगर ल पद म पदस्थ करत बुता के दायित्व सौंपा गे हावय।

जानव बीएमओ फरसगांव ल काबर जारी होइस बताओ नोटिस

जिला प्रशासन डहर ले सरी जिला म चलाये जात कोविड-19 टीकाकरण अभियान के गंभीरता ले लेवत सरलग अभियान म लापरवाही अउ उदासीनता प्रर्दशित करइया प्रशासनिक अधिकारी अउ कर्मचारी मन के विरूद्ध कार्यवाही करे जात हावय। इही क्रम म कलेक्टर पुष्पेन्द्र कुमार मीणा के आदेश के मुताबिक विकासखण्ड फरसगांव के खण्ड चिकित्सा अउ स्वास्थ्य अधिकारी डॉ. एसके साहू के विरूद्ध कार्यवाही करत ओला कारण बताओ नोटिस जारी करे गे हावय। जानबा होवय के विकासखण्ड फरसगांव म खालेपारा गांव लंजोड़ा के निवासी कोरोना पॉजिटीव मरीज जेन होम आईसोलेशन म रिहिस।

विकासखण्ड चिकित्सा कार्यालय फरसगांव डहर ले कलेक्टर डहर ले जारी आदेश के मुताबिक फोन या विडियो कॉल के माध्यम ले स्वास्थ्य संबंधी जानकारी पाये बर सम्पर्क नइ करे गिस अउ मरीज के पास ऑक्सीमीटर अउ थर्मामीटर भी उपलब्ध नइ रिहिस। जेला बीएमओ कार्यालय डहर ले उपलब्ध कराये जाना रिहिस। जेला बीएमओ डहर ले उपलब्ध नइ कराये गिस। जेन बुता के प्रति लापरवाही अउ उदासीनता के दर्शात हावय। जेमा कलेक्टर डहर ले ओला कारण बताओ सूचना जारी करके तीन दिन के भीतर जवाब प्रस्तुत करे बर निर्देश दे गे हावयं।