कोरोना बगराये के कारण बनत हावय बर-बिहाव, जरूरी होवय तभे जाए : कॉन्टैक्ट ट्रेसिंग अधिकारी

अंजोर.कोण्डागांव, 06 मई 2021। जिला कलेक्टर पुष्पेंद्र कुमार मीणा अउ पुलिस अधीक्षक सिद्धार्थ तिवारी डहर ले जिला टास्क फोर्स के बइठक आज वीडियो कॉन्फ्रेंसिंग के माध्यम ले आयोजित करे गिस। ए बइठक म टास्क फोर्स के सदस्य मन डहर ले सबो विकासखण्ड के नोडल अधिकारी मन ले कोरोना संक्रमण के कारण के संबंध म विश्लेषण करे गिस। ए बखत टास्क फोर्स के सदस्य मन डहर ले कॉन्टैक्ट ट्रेसिंग के बुता म सटीकता अउ तत्परता लाने बर बेवस्थान ल दुरुस्त करे म चर्चा करे गिस। ए वीडियो कॉन्फ्रेंस म कलेक्टर ह सबो अधिकारी मन ल कोनो मरीज के पॉजिटिव पाए जाये म ओकर ले निजी तौर म संपर्क करके ओकर ले कोरोना के उन तक पहुंचे के कारण के जांच करे के खातिर निर्देश दिस। 

जेकर खातिर जिला प्रशासन डहर ले नवा दिशा-निर्देश के मुताबिक प्रश्नावली के निर्माण करे गे हावय। ए प्रश्नावली के प्रयोग कॉन्टैक्ट ट्रेसिंग के खातिर जाये वाले दल डहर ले करे जाही। जिला प्रशासन के ये प्रयास रिहिन हावय के कोरोना के कारण के तह तक पहुंचके संक्रमण फैलाये कारक ल जानके कोरोना फैले ले रोके जाए। येकर खातिर प्रतिदिन स्वास्थ विभाग डहर ले प्रयास करे जात हावय। कलेक्टर ह कांटेक्ट ट्रेसिंग के खातिर अधिकारी मन के प्रयास के सराहना के संग ही किहिन के आने वाले दिन म कोरोना के रोके के खातिर एक कांटेक्ट ट्रेसिंग, वैक्सीनेशन अउ एक्टिव सर्विलांस म जोर देना होही।

जानबा होवय के पाछु दिन स्वास्थ्य विभाग डहर ले कराए गे कॉन्टैक्ट ट्रेसिंग के मुताबिक पाये गिस के 03 मई के संक्रमित पाए गे मरीज मन म 31 प्रतिशत मरीज केवल बिहाव समारोह म सामिल होए के सेती ले संक्रमित होए रिहिस। जेन के सबो कारण म सर्वाधिक रिहिस। येकर बाद प्राथमिक संपर्क म आने ले 30 प्रतिशत, दुकान अउ बाजार अउ हॉस्पिटल ले 12 प्रतिशत, द्वितीयक कांटेक्ट ले 13 प्रतिशत, यात्रा के सेती 2 प्रतिशत, 1.6 प्रतिशत मृत्यु संस्कार म जाये ले अउ 7 प्रतिशत लोगन म कोरोना के कारण अज्ञात रिहिन। ए रकम आंकड़ा ल देखत प्रशासन डहर ले लोगन ल बिहाव संस्कार म नइ जाये के अपील करे हावय। केवल अत्यंत जरूरी होए म ही बिहाव अउ मृत्यु संस्कार म जाएं।