सुहेला स्वास्थ्य केन्द्र ल सांसद श्रीमती छाया वर्मा कोति ले‍ मिलिस एम्बुलेंस

अंजोर.बलोदाबाजार, 17 मई 2021। कोरोना राई ले उबरे खातिर सरकार सरी उदीम करत हावय, अऊ जनप्रतिनिधी मन तको अपन मद के उपयोग अब कोरोना म लगाके लोगन के जीव बचावत हावय। छत्तीसगढ़ ले कांग्रेस के राज्यसभा सदस्य श्रीमती छाया वर्मा ह अपन सांसद निधी ले सुहेला सामुदायिक स्वास्थ्य केन्द्र ल एक एम्बुलेंस प्रदान करिन। ये मउका म ओमन किहिन के स्वास्थ्य केन्द्र ल एक एम्बुलेंस मिले ले लोगन ल गजब सुविधा मिलही, कोनो किसम के अलहन आए म लघियात अस्पताल पहुंचे म मरीज मनला राहत मिलही। मिले आरो के मुताबिक कार्यक्रम म श्रीमती वर्मा के अलावा स्थानीय जनप्रतिनिधी, ग्रामीणजन के अलावा विभाग के कर्मचारी मन तको जुरियाए रिहिन।