महारानी अस्पताल अउ कोविड केयर सेंटर खातिर स्टाफ नर्स,वार्ड बॉय,वार्ड आया,सफाईकर्मी अउ वाहन चालक भर्ती

अंजोर.जगदलपुर, 06 मई 2021। कोविड 19 संक्रमण बर जिला के स्वास्थ्य केंद्र मन म मानव संसाधन के उपलब्धता सुनिश्चित करे के खातिर स्टाफ नर्स, वार्ड बाय, वार्ड आया, स्वच्छताकर्मी अउ वाहन चालक के पद म प्रतीक्षा सूची ले नियुक्ति आदेश जारी कर दे गे हावय। मुख्य चिकित्सा अउ स्वास्थ्य अधिकारी डहर ले मिले जानकारी के मुताबिक कोविड 19 संक्रमण के वर्तमान स्थिति के देखत बस्तर जिला के स्वास्थ्य केन्द्र म मानव संसाधन के सुदृढ़ीकरण अउ कोविड 19 के रोकथाम बर डिमरापाल स्थित शासकीय चिकित्सा महाविद्यालय सह अस्पताल, महारानी अस्पताल अउ कोविड केयर सेंटर के संचालन के खातिर अवइया 3 महीना के खातिर स्टाफ नर्स, वार्ड बाय, वार्ड आया,स्वच्छताकर्मी अउ वाहन चालक पद म जिला के अभ्यर्थी ल प्राथमिकता देत मेरिट सूची के आधार म अभ्यर्थी के नियुक्ति आदेश जारी करे गिस हावय। 

ये पद म प्रतीक्षा सूची ले चयनित उम्मीदवार मनला 15 मई तक मुख्य चिकित्सा अउ स्वास्थ्य अधिकारी कार्यालय अउ अउ संबंधित पदस्थापना जगह म अपन उपस्थिति देना होही। जारी आदेश के प्रति बस्तर जिला के शासकीय वेबसाइट, मुख्य चिकित्सा अउ स्वास्थ्य अधिकारी कार्यालय,  स्व. बलीराम कश्यप स्मृति चिकित्सा महाविद्यालय डिमरापाल के अधिष्ठाता कार्यालय अउ महारानी अस्पताल के सिविल सर्जन सह मुख्य अस्पताल के अधीक्षक कार्यालय के सूचना पटल म चस्पा करे गे हावय।