नइ छुटत हावय दारू के नशा, गांव देहात म मिलते हावय हाथ भट्ठी के महुआ दारू

अंजोर.बिलासपुर। प्रदेश म लॉकडाउन लगे पंदराही ले आगर होगे, दारू के दुकान बंद हावय फेर लोगन मनके नशा करे के आदत नइ छुटत हावय। ये बीच हाथ भट्ठी ले महुआ दारू उतरइया मनके तको बने बिकरी बाड़ के हावय। फेर राज के पुलिस तको चौ‍कन्ना हावय। सरलग अवैधा शराब तस्करी ऊपर कार्यवाही करत बेचाइया मनला धरत हावय। मिले आरो के मुताबिक बिलासपुर के मस्तुरी थाना म दू आरोपी के गिफ्तारी होए हावय। 1.योगेश कुमार कुर्रे पिता शत्रुहन कुर्रे, मस्तुरी  बिलासपुर तिर ले महुआ दारू एकक लीटर वाले पन्नी म कुल 04 लीटर कीमती 400 बरामद होइस। 2. विजय कुमार सारथी पिता लक्ष्मी प्रसाद सारथी शिवरीनारायण वार्ड क्रमांक 10 जांजगीर चाम्पा तिर ले महुआ दारू 16 नग पीपी पन्नी म भराये बरामद होए हाबे।

पेट्रोलिंग टीम मुखबीर ले आरो मिलिस के शराब बेचे खातिर बोरी के झोला म रखके देशी महुआ शराब रखे हावयं। मउका म धारा 160 जा.फौ. के नोटिस जारी करके शराब रखे या बेचने के सबंध म वैध कागजात रसीद पेश करे ल किहिन। लेकिन कोनो दस्तावेज पेश नइ करे के सेती अपराध सदर के धारा 34,1 क आबकारी एक्ट के होना पाये जाये के बाद आगू के कार्यवाही करे गिस।