अंजोर.दुर्ग, 23 मई 2021। कोविड संक्रमण के पूरा रकम ले रोकथाम के खातिर धमधा मॉडल ले व्यापक स्वास्थ्य शिविर के प्लान करे गे हावय। ये शिविर के पहिली व्यापक रूप ले सर्विलेंस के बुता होत हावय। एमे चिन्हांकित लोगन ल स्वास्थ्य शिविर म भेजे जात हावय जिहां व्यापक जांच के सुविधा हावय। एसडीएम ब्रजेश क्षत्रिय ह बताइन के शिविर ल प्लान करके ले गे हावय। व्यापक मुनादी भी कराई गे हावय। गांव म ही जांच हो जाये ले आरंभिक समय म ही केस ल चिन्हांकित करे म मदद मिलही।
विकसखंड धमधा के आश्रित ग्राम म स्वास्थ्य शिविर अउ कोविड-19 तहत सैंपलिंग के बुता 25 मई अउ 26 मई करे बर सेक्टर सुपरवाइजर ल आदेश दे गे हावय। शिविर जगह ग्राम पंचायत या आंगनबाड़ी म होही अउ समय बिहनिया 10 ले 2 बजे तक होही। 25 मई के ग्राम भरनी, ग्राम घोटवानी, ग्राम अहेरी, ग्राम रूहा, ग्राम मलपुरिकला, ग्राम अहेरी, ग्राम डोमा, ग्राम अछोटी बाड़ी अउ ग्राम नंदिनीखुदनी म आयोजित करिन गे हावय। इही रकम ले 26 मई के ग्राम परसबोड, ग्राम भाठाकोकड़ी, ग्राम धिकुड़िया, ग्राम बागडुमर, ग्राम सिलतरा, ग्राम कपसदा अउ ग्राम पोटिया म आयोजित करे गे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।