कोरोना पॉजिटिव आये के बाद भी खोलिस दवई दुकान, एफआईआर दर्ज अउ दुकान सील

अंजोर.धमतरी,2 मई 2021। एक तरफ गांव छाती म कोरोना संक्रमित मरीज मन के संख्या बाढ़त जात हवय, उहें छाती के कबीर मेडिकल दुकान संचालक कोरोना पॉजिटिव होए के बावजूद मेडिकल खोल के बइठे रिहिस। एमा गठित संयुक्त दल जेमा राजस्व, पुलिस अउ पंचायत के अमला सामिल हावय, ह ना केवल वो दुकान ल जाकर बंद कराइन बल्कि ओला सील करके दुकान संचालक के विरुद्ध एफ.आई.आर. कराई गे हावय। मिले आरो के मुताबिक अनुविभागीय अधिकारी धमतरी चंद्रकांत कौशिक ह बताइन के ए रकम के जानलेवा लापरवाही ले गांव म संक्रमण तेजी ले फैलही अउ प्रशासन डहर ले कोरोना रोकथाम के खातिर करे जात प्रयास म दिक्कत बढ़ही। येकर सेती ए दुकान ल सील करके दुकान संचालक के विरुद्ध एफआईआर दर्ज करे गिस हावय।