अंजोर.कवर्धा, 31 मई 2021। राज्य योजना आयोग छत्तीसगढ़ के डहर ले मुख्यमंत्री भूपेश बघेल की अनुशंसा म बैगा समाज के प्रदेश अध्यक्ष अउ विशेष संरक्षित जनजाति के अधिकार के खातिर बुता करइया समाज सेवक ईतवारी राम मछिया (बैगा) ल राज्य योजना आयोग के आदिवासी विकास, वन अउ वन्य जीव प्रबंधन, लघु वनोपज प्रबंधन क्षेत्र के विकास के 12 सदस्यीय टास्क फोर्स के सदस्य बनाये गे हावय।
टास्क फोर्स के अध्यक्ष राजेश तिवारी मुख्यमंत्री के सलाहकार ल बनाये गे हावय। ईतवारी राम मछिया (बैगा) ल मुख्यमंत्री भूपेश बघेल अउ उंकर सलाहकार राजेश तिवारी के व्यक्तिगत तौर म बहुत क़रीबी माने जाथे। इही सेती उंकर ए टास्क फोर्स म शामिल होए ले राज्य के सबो विशेष संरक्षित जनजाति म जबरदस्त उत्साह अउ ख़ुशी हावय। लोगन के सरकार के नीति अउ योजना मन म विश्वास म जबरदस्त बढ़ोत्तरी होइस हावय।
ईतवारी राम मछिया (बैगा) के टास्क फोर्स म सदस्य बनाये म विशेष संरक्षित जनजाति के सदस्य मन अउ बैगा समाज प्रमुख मन ह मुख्यमंत्री भूपेश बघेल, उंकर सलाहकार राजेश तिवारी, छत्तीसगढ़ सरकार के मंत्री मोहम्मद अकबर, आदिम जाति मंत्री डॉ प्रेमसाय सिंह टेकाम, पंडरिया विधायक श्रीमती ममता चन्द्राकर ल धन्यवाद ज्ञापित करिन हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।