अंजोर.गरियाबंद, 23 मई 2021। गरियाबंद अवैध शराब के तस्करी अउ बिक्री म रोक लगाये खातिर बड़का कार्यवाही करत। मुखबीर ले मिले आरो, के कुछ लोगन गांव बिरोड़ार के जंगल म अवैध रूप ले कच्चा महुवा शराब के बनावत हावय। जेमा वरिष्ठ अधिकारी मन के अवगत करावत गरियाबंद अतिरिक्त पुलिस अधीक्षक संतोष महतो, सुखनंदन राठौर अनुविभागीय अधिकारी पुलिस संजय ध्रुव के मार्गदर्शन म थाना प्रभारी छुरा संतोष भुआर्य के नेतृत्व म मुखबिर के बताए ठऊर म गांव बिरोडार जंगल म रेड के कार्रवाई करे गिस।
जेमा अवैध शराब बनइया अज्ञात लोगन पुलिस टीम के पहुंचे के पहिली ही मउका ले फरार होगे रिहिस। पुलिस टीम डहर ले नदी किनारे के आसपास क्षेत्र म सर्चिंग करे गिस जेन गड्ढा म लुकाये लगभग 200 किलो महुआ पास ल मउका म नष्ट करे गिस। मउका म बरामद लगभग 100 लीटर महुआ शराब अउ बनाये के बर्तन ल जप्त करके वैधानिक कार्रवाई करे जात हावय।
मिले आरो के मुताबिक ये कार्यवाही म थाना प्रभारी निरीक्षक संतोष कुमार भुआर्य, सउनि श्रवण विश्वकर्मा, प्र आर आरक्षक राघवेन्द्र तोमर आरक्षक रवि सिन्हा दीप्तनाथ, चूड़ामणि देवता सुशील पाठक, नरेंद्र साहू, पुष्पेन्द्र साहु, सूर्यकांत राय, जयप्रकाश, मोहित चुरेन्द्र, राजेन्द्र गायकवाड़ सैनिक भामेंद्र साहू, महिला सैनिक लकेश्वरी अउ आन के सराहनीय योगदान रिहिन।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।