अंजोर.महासमुंद, 24 मई 2021। महासमुंद जिला म कोविशील्ड के दूसरइया खुराक टीका बुधवार 26 मई ले लगना शुरू होही। 45 साल ले ज़्यादा उमर के पात्र लोगन ल दूसरइया डोज़ लगाये जाही। 45 साल ले जादा उमर के पात्र लोगन जेला पहिली डोज़ लगे 84 दिन हो गे हावय ओला कोविशील्ड के दूसरा टीका लगाये जाही। येकर ले पहिली आने वाला के दूसरइया खुराक नइ लगाये जाए। कलेक्टर डोमन सिंह ह बताइन के 45 साल ले जादा उमर के पात्र लोगन ल दूसरइया डोज़ लगाये के खातिर कोविशील्ड उपलब्ध हावय। कलेक्टर ह गेलौली करिन के कोरोना टीका के दुनों डोज लेके बाद भी सावधानी जरूरी हावय। अइसे नइ के कोनो ह कोरोना के टीका ले लिस त वो पूरा रकम ले सुरक्षित होगे। कोविड गाइड लाइन के पालन करना, मास्क पहनना अउ सोशल डिस्टेंसिंग रखना बहुत ज़रूरी हावय।
टीकाकरण अधिकारी डॉ. अरविंद गुप्ता ह जानकारी दीस के सरकार डहर ले कोविशिल्ड वैक्सीन लगाये के खातिर नवा गाइड लाइन जारी करे गिस हावय। जेकर तहत टीका के पहिली डोज ले दूसरइया डोज के अंतराल बढ़ा दे गे हावय। येकर खातिर सरकार के निर्देश के मुताबिक पहिली डोज के 84 ले 112 दिन (12 ले 16 सप्ताह) के बीच दूसरा डोज दे जाही। यदि कोनो के कोविड टीका के पहिली डोज़ दे के पाछु वो ह कोविड-19 संक्रमण ले ग्रसित हो जात हावय त दूसरइया डोज़ रोगी के ठीक होए के 3 महीना बाद लगाये जाही। डॉ.गुप्ता ह बताइन के शासन के दिशा-निर्देशानुसर लैब टेस्ट रिपोर्ट म कोनो सार्स-2 के कोविड-19 स्थित ले ग्रसित हावय त रोगी के ठीक होए के 3 महीना बाद कोविड-19 के टीका लगवाए।
कलेक्टर श्री डी. सिंह ह मुख्य चिकित्सा स्वास्थ्य अधिकारी के हवाले ले बताइन के कोरोना टीका के पहिली डोज लगे हावय अउ 84 दिन की करार बखत पूरा हो गे हावय वो टीकाकरण आके दूसरा डोज जरूर ले लें। शरीर के अंदर एंटीबॉडीज विकसित करे अउ कोरोना बांचे के खातिर दूसरा डोज जरूर लें।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।