अंजोर.गरियाबंद,5 मई 2021। कोरोना वायरस के संक्रमण दुगुना रफ्तार ले फैलत हावय, कोरोना पीड़ित आक्सीजन के खातिर मोहताज होत हावय, जेला राहत पहुंचाये बर शासन प्रशासन हर सम्भव प्रयास करत हावय, उहें दूसर तनि समाज म फ्रंट लाईन वारियर्स भी अपन जान जोखिम म डाल करके कोरोना वायरस के संक्रमण के चैन ल तोड़े म लगे हावयं, फेर कुछ बेपरवाह लोगन कोरोना गाईड लाईन ल ताक म रख करके दुकान खोलके सामन विक्रय करत भीड़ लावत हावय।
मिले आरो के मुताबिक गरियाबंद नगर के छुरा रोड के दुकानदार के डहर ले प्रतिबंधित समय म दुकान के सटर खोल करके सामान बेचे के आरो मिलते ही थाना प्रभारी निरीक्षक वेदवति दरियो ह प्रशासन के आला अधिकारी मन ल अवगत कराइन जेकर बाद जिला गरियाबंद के पुलिस कप्तान भोजराम पटेल के दिशा निर्देश, अतिरिक्त पुलिस अधीक्षक सुखनंदन राठौर के मार्गदर्शन, अनुविभागीय अधिकारी पुलिस गरियाबंद संजय ध्रुव के पर्यवेक्षण म चलानी कार्यवाही करे गे जेमा जिसमे निरीक्षक वेदवती दरियो के नेतृत्व म उप निरीक्षक चन्दन सिंह मरकाम डहर ले नायाब तहसीलदार गरियाबंद सिद्दीकी के संग मउका पहुंच के तस्दीक करे गिस सूचना सही पाए म 7 अलग अलग दुकान मन म चलानी कार्यवाही करके 3600 रूपिया के चालान काटे गिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।