अंजोर.रायगढ़, 31 मई 2021। थाना प्रभारी घरघोड़ा निरीक्षक अमित सिंह के नेतृत्व म घरघोड़ा अउ आसपास के क्षेत्र म बाइक चोरी करइया दू शातिर बदमाश मनला पकड़ा गे हावय जेकर कब्जा ले 8 दुपहिया करीब ढाई लाख रूपिया ल बरामद करे गे हावयं। आरोपी मन ले जप्त तीन दुपहिया के संबंध म घरघोड़ा थाना म चोरी के अपराध दर्ज हावय, बांचे आन बाइक धारा 41(1+4)CrPC/379,34 IPC के तहत जप्त करके आरोपी मन उपर कार्यवाही करे गिस हावय।
जानकारी के मुताबिक थाना घरघोड़ा म बाइक चोरी के संबंध म दर्ज अपराध क्रमांक 101/2021 धारा 457, 380 भादवि अउ 138/2021 धारा 379 भदवि के विवेचना बखत टीआई अमित सिंह के पुलिस ल मुखबिर ले सूचना मिलिस के चौकी रैरूमा क्षेत्र के दू लड़का हेमंत निषाद अउ भुनेश्वर यादव निवासी गांव कटाईपाली-डी म बाइक चोरी के संदेह व्यक्त करे गिस, जेन म दोंनो ल स्टाफ थाने लान के कड़ाई पूछताछ करिन। जेन म दुनों बताइन के 3 महीना पहिली लैलूंगा बस स्टैंड ले दू नग साइन, लैलूंगा पतरापारा ले एक डिस्कवर मोटरसाइकिल अउ गांव टेरम ले HF डीलक्स मोटरसाइकिल, तमनार लिब्रा स्कूल पास एक टीवीएस मोटरसाइकिल, 1 महीना पहिली गांव अम्लीडीह के घर ले एक्टिवा स्कूटी नंबर CG13-V-8769 अउ 10 दिन पहिली लैलूंगा रोड घरघोड़ा ले एक हीरो होंडा पैशन प्रो, पूंजीपथरा रूपाना धाम के पास ले प्लैटिना मोटरसाइकिल के चोरी करके ले जाना अउ आपस म दुनों बांट लेना बताइन।
आरोपी मन ले जप्त एक्टिवा क्रमांक सीजी 13-V-8769 थाना घरघोड़ा के अपराध क्रमांक 101 /21 धारा 457, 380 भादवि अउ एक पैशन प्रो मोटरसाइकिल CG 13- W -4847 अपराध क्रमांक 138 /21 धारा 379 अउ अपराध क्रमांक 140 /21 धारा 379 म एचएफ डीलक्स मोटरसाइकिल जप्त करे गे हावय। आरोपी हेमंत निषाद पिता प्रहलाद निषाद उमर 21 साल अउ भुनेश्वर यादव पिता रूप सिंह यादव उमर 19 साल दुनों निवासी कटाईपाली-डी चौकी रैरूमा थाना धर्मजयगढ़ के कब्जा ले चोरी के मोटरसाइकिल प्लेटिना, डिस्कवर, टीवीएस स्पोर्ट, होंडा सीबी साइन मोटरसाइकिल, होंडा एसपी साइन मोटरसाइकिल चोरी के मोटरसाइकिल होए के संदेह म धारा 41(1+4)CrPC/379,34 भादवि के तहत जप्त करके आरोपी मन के गिरफ्तार करके रिमांड म भेजा गे हावय। आरोपी मन ले जप्त दुपहिया के कुल कीमत करीब ढाई लाख रूपिया के आसपास के हावय। टीआई अमित सिंह के संग कार्यवाही म उप निरीक्षक एडमोन खेस, सहायक उप निरीक्षक चंदन नेताम, प्रधान आरक्षक चिंतामणि कुर्रे, देव प्रसाद राठिया, आरक्षक विरेन्द्र भगत, नंद कुमार पैंकरा के सराहनीय भूमिका रिहिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।