ना डरना हावय, ना डराना हावय, कोविड के टीका तुरते लगवाना हावय : गृह मंत्री ताम्रध्वज साहू

अंजोर.बेमेतरा,1 मई 2021। प्रदेश के गृह मंत्री ताम्रध्वज साहू ह आम लोगन ले कोरोना वायरस के संक्रमण ले बचाव के खातिर सावधानी बरते के अपील करे हावय। ओमन किहिन हावय के कोरोना वायरस के संक्रमण ल रोके के खातिर सबले बढि़या उपाय येकर प्रभाव म आये ले स्वयं ल बचाना ही हावय। कोरोना महामारी आज हमर सामने एक भीषण त्रासदी बन गे हावय। ए महामारी ले हमन ल घबराना नइ हावय, बल्की येकर ले बचे के खातिर सबो जरूरी उपाय अउ सावधानी ल अपनाना हावय।

गृहमंत्री ह अपील करे हावय के कोरोना ले घबराएं नइ, बचाव ही इलाज हावय। अनिवार्य रुप ले मास्क लगायें। भीड़-भाड़ वाले ठऊर मन म नी जाऐं। हाथ ल सरलग रुप ले साबुन ले धोऐं या सेनेटाईजर के उपयोग करे। दू गज के दूरी बनाये रखें। 18 साल ले उपर ल लोगन अवइया दिन ले सुरू होत कोरोना टीकाकरण के खातिर रजिस्ट्रेशन करवाएं। 45 साल ले जादा उमर वर्ग ल लोगन प्राथमिकता ले टीका के दोनो डोज अवश्यन लगवाएं। टीकाकरण के बाद भी कोरोना नियम के पालन करें। होम आईसोलेशन वाले मरीज नियम के पालन करें।

पॉजिटिव सोंचे प्राणायाम करें, कोरोना के लक्षण होए म जिला मुख्यालय म स्थापित कन्ट्रोल रुम ले संपर्क करें। अउ होम आइसोलेशन म रह करके शासन डहर ले निर्धारित दवा के सेवन करे। दवाई के संग नियमित 08 घण्टा के नींद लें। 45 मिनट व्यायम/योग करें, 04 ले 05 लीटर गुनगुना पानी पियें। दिन म दू ले तीन बार भाप लें। आक्सीजन अउ तापमान अवश्यम जांचें। आक्सीजन लेवल 95 ले कम आए म तुरते डॉक्ट्र्स ले सलाह लेवे।