अंजोर.जांजगीर, 21 मई 2021। जिला म मोबाईल गुम अउ चोरी होए के सरलग शिकायत मिलत रिहिस जेला पुलिस अधीक्षक श्रीमती पारूल माथुर ह गंभीरता ले लेवत अतिरिक्त पुलिस अधीक्षक संजय महादेवा के मार्गदर्शन म सायबर सेल के एक टीम गठित करके मोबाईल बरामद करे के जिम्मेदारी दे गिस।
टीम डहर ले सरलग प्रयास करत पाछु 07 दिन म कुल 60 मोबाईल किमती लगभग 7 लाख रूपिया के जांजगीर-चांपा जिला सहित बिलासपुर, कोरबा, मुंगेली जिला ले बरामद करिन। जेला पुलिस अधीक्षक महोदय के डहर ले पुलिस अधीक्षक कार्यालय के सभाकक्ष म वास्तविक मोबाईल धारक ल प्रदाय करे गिस। मिले आरो के मुताबिक ये बुता म प्र.आर. मनेाज तिग्गा, आर. विवेक सिंह, आर. चरंजीव कमलेश आर. लक्ष्मीकांत कश्यप, आर. मनीष राजपूत के सराहनीय योगदान रिहिन।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।