अंजोर.कोण्डागांव, 25 मई 2021। राज्य शासन डहर ले दिये गे दिशा निर्देश के मुताबिक कोविड-19 मरीज मन के उपचार पाछु डिस्चार्ज करे जाये के बाद कुछ मरीज मन म सांस ले म कठिनाई, थकान, कमजोरी जइसे लक्षण परिलक्षित होत हावयं। येकर संग ही पाछु कुछ दिन म उपचारित हो चुके कोविड-19 मरीज म ब्लैक फंगस के लक्षण भी देखे गे हावयं। जेला देखत कोविड-19 ले ठीक होए मरीज के सरलग फॉलोअप अउ उपरोक्त लक्षण के उपचार बर जिला चिकित्सालय कोण्डागांव म पोस्ट कोविड केयर ओपीडी सुरू करेगे हावय।
जेमा चिकित्सा विशेषज्ञ के ड्युटी 22 मई ले लगाये गे हावय। जेकर खातिर एमडी मेडिसिन डॉ. रूपेन्द्र साहू, नेत्र रोग विशेषज्ञ डॉ. कल्पना मीणा, शिशु रोग विशेषज्ञ डॉ. राजेश बघेल, चिकित्सा अधिकारी (मनोरोग विभाग) डॉ. आदित्य चतुर्वेदी, स्त्री रोग विशेषज्ञ डॉ. रीता गेडाम, दन्त रोग विशेषज्ञ डॉ. तृप्ति दिनेश नाग, फिजियोथेरेपिस्ट पद्मनाथ बघेल अउ मेडिकल लैब टेक्नीशियन राजेश पटेल के नियुक्त करे गे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।