अंजोर.कोरबा। जिला कोरबा के थाना बांगो क्षेत्र के गांव बेतलो म 26 अप्रैल के एक महिला फुल कुंवर पति जय सिंह के बिहनिया कुल्हाडी ले मारके हत्या करे गे रिहिस। मृतिका फूल कुंवर के हत्या कोनो अज्ञात मनखे डहर ले करे के रिपोर्ट दर्ज कराये के बाद पुलिस अपन जांच सुरू करिस। मृतिका के पति ले पूछताछ करे म बताइन के बिहनया 6 बजे के करीब एक मोटर सायकल वोला अपन मोटर सायकल खराब हावय किके नट के सीधा करे खातिर टांगी मांगिस। जेला घर जाके अपन पत्नी ले टांगी मांगे ल किहिन। थोरकेच म ओकर पत्नी के चीख सुनके दउड़े म मोटर साइकिल वाला भगागे। पुलिस अपन तरीका ले जांच करत संदेही मृतिका के पति ले कड़ाई ले पूछताछ करे म अपन पत्नी के हत्या ल कबुल डरिस। आरोपी ओकर पति ह बताइस के बिहनिया अपन गोड़ म दवई लगाये बर केहेव फेर ओहा नइ लगाईस। अपन पति के धाव ल धृणा के नजर ले देखय इही सेती टंगिया ले मार देना बताइन। आरोपी ल गिरफ्तार करके जेल भेजा दे गे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।