अंजोर.धमतरी, 17 मई 2021। कुरूद विकासखण्ड के गांव भैंसमुण्डी म 45 साल ले जादा अउ 18 साल ले जादा, दुनों उमर वर्ग के शत-प्रतिशत गांव वाला मन टीका लगवाइन। शासन के निर्देश पालन करत जनपद पंचायत के उपाध्यक्ष, ग्राम पंचायत के सरपंच, सचिव सहित मैदानी अमला ह ए नामुमकिन बुता ल मुमकिन करके देखाइस।जिला कलेक्टर के मार्गदर्शन म जिला म कोविड-19 टीकाकरण के सफल क्रियान्वयन के खातिर कतकोन प्रयास करे जात हावयं, जिहां कलेक्टर स्वयं आने-आने गांव म चैपाल लगाके सरलग समझाइश देत रिहिन हावयं, उहें जिला प्रशासन के जागरूकता कार्यक्रम, स्थानीय जनप्रतिनिधी मन, स्वास्थ्य, पंचायत विभाग के सामूहिक प्रयास ले टीकाकरण के क्षेत्र म धमतरी जिला रोजाना बाढ़त ग्राफ ल छूवत नवा मुकाम हासिल करे हावय। ए संबंध म गांव भैंसमुण्डी के नोडल अधिकारी अउ सहायक संचालक कृषि सुश्री जगतजननी यादव ह बताइन के कलेक्टर के मार्गदर्शन म टीकाकरण ल लेके गांव पंचायत भैसमुण्डी म स्थानीय युवा सरपंच त्रिलोकचंद साहू डहर ले सतत् प्रयास करे गिस।
ओमन बताइन के कलेक्टर के वीडियो क्लिप अउ ऑडियो मैसेज ल गांव वाला ल देखा अउ सुनाके टीकाकरण के महत्व के बताये गिस। येकर सकारात्मक प्रभाव ये परिस के गांव मन स्व यं होके वैक्सिनेशन के खातिर आगू आये लगिस। ये सेती 45 साल ले जादा अउ 18 साल ले अधिक, दुनों आयुवर्ग के पहिली डोज के टीकाकरण ग्राम पंचायत भैंसमुण्डी म शत-प्रतिशत पूरा होगे।
येकर घोषणा आज पंचायत प्रबंधन डहर ले लिखित म करे गिस। सरपंच श्री साहू ह बताइन के गांव के ए भीषण महामारी ले सुरक्षित करे के खातिर ये जरूरी हो गे के लोगन ल येकर सकारात्मक पहलु के जानकारी दे जाए। इही सकारात्मक सोच के संग आगू बाढ़त उच्चाधिकारी मनके मार्गदर्शन म अउ जनपद पंचायत उपाध्यक्ष जानसिंह यादव के सतत् सहयोग ले रोजाना वीडियो-ऑडियो क्लिप देखा-सुनाके, गांव वाला ले संपर्क करके अउ पंचायत म सरलग बइठक लेके सकारात्मक वातावरण तइयार करे गिस। तब जाके लोगन के मन ले भ्रांति दूरिहा होइसं, जेकर सुखद परिणाम सामने हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।