मोदी सरकार के सात बछर पूरा विफलता ले भरे हावय : मंत्री अमरजीत भगत

अंजोर.रायपुर, 31 मई 2021। छत्तीसगढ़ प्रदेश कांग्रेस कोति ले राजीव भवन म आज पत्रकारवर्ता आयोजित करे गे रिहिस। जेमा छत्तीसगढ़ शासन के मंत्री रविन्द्र चौबे, डॉ. शिवकुमार डहरिया, अमरजीत भगत अउ पाठ्यपुस्तजक निगम के अध्यक्ष शैलेश नितिन त्रिवेदी के संग अऊ केऊ बड़का नेता मनके जुराव होए रिहिस। ये मउका संस्कृति अउ पर्यटन मंत्री अमरजीत भगत ह किहिन के मोदी सरकार के सात बछर पूरा-पूरा विफलता ले भरे हावय। काला धन अउ रोजगार के बात करइया मोदी जी आज देश के अर्थव्यवस्था ल गर्त म लेके चले गे हावय। ओमन आगू किहिन के 1971 म बने बांग्लादेश के आज प्रति व्यक्ति आय अउ विकास के दर म हमर ले आगू निकलगे हावय।

जानबा होवय के प्रधानमंत्री नरेन्द्र मोदी के कार्यकाल ल‍ बिते काली म सात बछर पूरा होइसे। सात बछर के कार्यकाल पूरा होए म भाजपा सरकार ह अपन उपलब्धी ल गिनाये रिहिस। लेकिन आम जनता, जनप्रतिनिधी अउ गरीब किसान मन का दशा हावय येकर कोनो ल फिकर नइ होइस। पाटी अउ पार्टी के बात होथे..., फेर आम जनता के बात कब होही ये भगवाने जानें।