नारायणपुर म 7688 क्विंटल धान बांचे हावय, धान उठाव कस्टम मिलिंग अउ धान ल बरसात ले बचाय के निर्देश

अंजोर.नारायणपुर, 17 मई 2021। जिला कलेक्टर धर्मेश कुमार साहू ह जिला म धान उठाव कस्टम मिलिंग अउ धान ल बरसात बचाये बर अधिकारी मन के बइठक लिस। धान उपार्जन केंद्र म निरीक्षण अउ रोकथाम बर नोडल अधिकारी मनके टीम गठित करे गे रिहिस। कलेक्टर के निर्देश के मुताबिक अभी नोडल अधिकारी उपार्जन केंद्रो म जाके भौतिक सत्यापन करके अपन रिपोर्ट प्रस्तुत करिन। नारायणपुर खरीदी केंद्र के खातिर एसडीएम दिनेश कुमार नाग, गरांजी केंद्र के खातिर तहसीलदार नारायणपुर सुनील सोनपीपरे, बिंजली केंद्र के खातिर डिप्टी कलेक्टर वैभव क्षेत्रज्ञ, बेनूर केंद्र के खातिर नायब तहसीलदार मुकेश कुमार ठाकुर, छोटे डोंगर के खातिर नायब तहसीलदार ख्याति नेताम, धौड़ाई केंद्र के खातिर उपसंचालक कृषि बी एस बघेल,झारा केंद्र के खातिर सहायक संचालक कृषि पीडी मंडावी, बाकुलवाही अउ ओरछा केंद्र के खातिर तहसीलदार ओरछा केतन भोयर के नोडल अधिकारी बनाये गे हावय। 

नोडल अधिकारी डहर ले उपार्जन केंद्र के निरीक्षक करके भौतिक सत्यापन करे गिस। खरीदी केंद्र म 7688 क्विंटल धान बांचे हावय। कलेक्टर ह नोडल अधिकारी अउ समिति प्रबंधक ल मिलर्स ले संपर्क करके धान उठाव बुता ल लघियात पूरा करे के बात किहिन। समिति प्रबंधक धान उठाव बुता म कोनो रकम ले कोताही नी बरतें, अउ समय म धान के उठाव करा लें। एकर बर ओमन अधिकारी मन ल जरूरी निर्देश दिए। बइठक म संयुक्त कलेक्टर सुश्री निधि साहू, डिप्टी कलेक्टर वैभव क्षेत्रज्ञ, उपसंचालक कृषि बीएस बघेल, डीएमओ सोनी, तहसीलदार सुनील सोनपिपरे, तहसीलदार ओरछा केतन भोयर, नायब तहसीलदार मुकेश ठाकुर उपस्थित रिहिस।