अंजोर.रायपुर, 31 मई 2021। मुख्यमंत्री भूपेश बघेल डहर ले शुभारंभ करे गे वर्चुअल योगाभ्यास कार्यक्रम म सामिल होए के खातिर हितग्राही मन ल गूगल लिंक (https:/forms.gle/cTMpwNVMwMHoktkX7) म फोकट म ऑनलाईन पंजीयन कराना होही। पंजीकृत हितग्राही मन के लिंग अउ उमर वर्ग के मुताबिक वर्गीकृत करके 5 ले 20 के समूह म कोविड-19 के संक्रमण के रोकथाम बर जारी दिशा-निर्देश के पालन करत वर्चुअल योगाभ्यास कराये जाही। योग के कक्षा 31 मई ले अवइया एक साल तक सरलग जारी रइही। वर्चुअल योगाभ्यास के फोकट म कक्षा रोज बिहनिया 6 बजे ले 7 बजे तक अउ संझा के 6 बजे ले 7 बजे तक आयोजित करे जाही। सरी कार्यक्रम के निगरानी छत्तीसगढ़ योग-आयोग के तकनीकी विशेषज्ञ डहर ले करे जाही। समय-समय म कार्यक्रम के मूल्यांकन करे जाही अउ अध्यक्ष छत्तीसगढ़ योग आयोग डहर ले येकर समीक्षा करे जाही।
वर्चुअल योगाभ्यास कक्षा म छत्तीसगढ़ योग आयोग के प्रमुख योग प्रशिक्षक अउ समाज कल्याण विभाग के फिजियोथेरैपिस्ट प्रत्यक्ष उपस्थित होके योगाभ्यास अउ ब्रिदिंग के अभ्यास कराही। योगाभ्यास के वर्चुअल प्रसारण राज्य संसाधन अउ पुनर्वास केन्द्र माना कैम्प रायपुर म स्थापित रिकार्डिंग रूम ले करे जाही। ए कार्यक्रम के लाइव प्रसारण छत्तीसगढ़ योग के फेसबुक पेज अउ यू-टयूब चैनल म करे जाही। योगाभ्यास खतम होए के बाद वीडियो ल फेसबुक अउ यू-टयूब चैनल म अपलोड करे जाही। जेला लक्षित हितग्राही मन अउ जन सामान्य डहर ले कोनो भी समय देख सकत हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।