छत्तीसगढ़ के भूपेश सरकार इतिहास रचत हावय : सभापति प्रमोद दुबे

• भूपेश सरकार जब किसान के खाता म पइसा डारे के तइयारी म रिहिस, त पूर्व मुख्य मंत्री फर्जीटूल किट के दुष्प्रचार करत रिहिस : सभापति प्रमोद दुबे

अंजोर.रायपुर, 21 मई 2021। मुख्यमंत्री भूपेश बघेल फेर एक पइत वादा निभावत किसान मनके खाता म ऑनलाइन रूपिया पठो के बता दिस के ओमन किसान मनके हितवा आए। पूर्व प्रधानमंत्री राजीव गांधी के पुण्यतिथि के मउका म किसान मनके धान के पहिली किश्त 1500 करोड़ रूपिया के संगे-संग गोधन न्याय योजना के तहत पशुपालक अउ गौठान समिति ल तको 3.6 करोड़ रूपिया ऑनलाइन अंतरित करे गिस। 

ये बात ल जनता कर फरीफरा करत रायपुर नगर निगम के पूर्व महापौर अउ सभापति प्रमोद दुबे ह ट्वीट करके किहिन के इतिहास जब लिखे जाही, तो ये भी उल्लेखित होही के जब भूपेश सरकार 22 लाख किसान मनके खात म किसान मनला न्याय देवाये खातिर 1500 करोड़ के राशि डाले के तइयारी करत रिहिस तब तब प्रदेश के पूर्व मुख्यमंत्री डॉ. रमन सिंह ह फर्जीटूल किट के दुष्प्रचार करत रिहिस। ओमन यहू किहिन के छत्तीसगढ़ के भूपेश सरकार ह किसान मनके अपन सरकार आए। 

छत्तीसगढ़ के भूपेश सरकार ह इतिहास रचत हावय किसान मनले करे अपन वादा निभा के। राजीव गांधी किसान न्याय योजना अउ गोधन न्याय योजना ले प्रदेश के किसान अउ पशुपालक संग गौठान समिति अउ महिला स्वसहायता समुह मन तको लाभांवित होवत हावय।