नवा कलेक्टर करिस सूरजपुर जिला अस्पताल के निरीक्षण, सीटीवी कैमरा डिस्प्ले लगाये के दिस निर्देश

अंजोर.सूरजपुर, 24 मई 2021। पदभार ग्रहण करते ही नव पदस्थ कलेक्टर गौरव कुमार सिंह अउ जिला पंचायत सीईओ राहुल देव डहर ले जिला अस्पताल के निरीक्षण करे गिस। निरीक्षण के बखत जिला अस्पताल के जरूरी बेवस्था सुधारे  बर निर्देशित करिन। नव पदस्थ कलेक्टर ह सेकंड फ्लोर म रैंप, बाथरूम रिपेयरिंग अउ पीये के पानी के बेवस्था के संबंध म जरूरी दिशा निर्देश दिस। 

तेकर पाछू ओमन कोविड-19 हॉस्पिटल के निरीक्षण बखत सीसीटीवी कैमरा बर बाहिर म एक बड़ा डिस्प्ले लगाये बर निर्देशित करिन। जेकर ले भरती मरीज के परिजन मरीज बाहिर ले देख सकें अउ ऑक्सीजन जनरेशन प्लांट के भी निरीक्षण करिन जेमा जरूरी बेवस्था सुधारे बर निर्देशित करे गे। निरीक्षण के बखत अपर कलेक्टर एस एन मोटवानी, संयुक्त कलेक्टर शिव बनर्जी, एसडीएम पुष्पेंद्र शर्मा, सिविल सर्जन डॉ. शशि तिर्की अउ पूरा प्रशासनिक अमला मौजूद रिहिस।