अंजोर.नारायणपुर, 1 मई 2021। जिला म एसो साल तेन्दूपत्ता संग्रहण जिला लघुवनोपज सहकारी संघ मर्यादित नारायणपुर के डहर ले करे जाही। ए साल शासन डहर ले तेन्दूपत्ता संग्रहण दर 4 हजार रूपिया प्रति मानक बोरा के करार करे हावय। जिला नारायणपुर ले कुल 8 नारायणपुर, एड़का, सोनपुर, कोंगे, बेनूर, फरसगांव, गढ़बेंगाल अउ धौड़ाई प्राथमिक वनोपज सहकारी समिति के 12 लॉट म ले 7 लॉट अग्रिम विक्रत अउ 5 लाट अविक्रित होए के सेती 5 लाट म विभागीय संग्रहण करे जाना हावय। जिला यूनियन नारायणपुर ले 8 प्राथमिक वनोपज सहाकरी समिति के संग्रहण लक्ष्य 23100 मानक बोरा, निर्धारित हावय, नारायणपुर क्षेत्र के लगभग 17 हजार तेन्दूपत्ता संग्राहक ल अनुमानित 9 करोड़ 24 लाख रकम बैंक खाता के माध्यम ले भुगतान करे जाही। येकर ले लॉकडाउन बखत म गांव वाले ल रोजगार उपलब्ध होए ले आय के साधन होही। तेन्दू पत्ता संग्रहण के बुता नारायणपुर वनमंडल म 5 मई ले सुरू होही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।