अंजोर.बलौदाबाजार, 16 जून 2021। कोनी धान खरीदी केंद्र ले 290 कट्टा धान गबन करे के आरोप म पुलिस ह कप्यूटर आपरेटर फड प्रभारी सहित 17 आरोपी ल गिरफ्तार करे हावय। पुलिस के बताती मामला ए रकम ले हावय, जगदीश प्रसाद कौशल गांव बगबुड़वा कोटवार डहर ले थाना भाटापारा गवई पुलिस ल सूचना दे के गांव के अर्जून ध्रुव अउ दयालु ध्रुव के घर भारी मात्रा म pds बोरा म सोसायटी के धान रखे हावय के सूचना म पुलिस टीम तुरते गांव बगबुड़ुआ रवाना होके मउका पहुंच के कोटवार के लिखत आवेदन म गांव कोनी के धान सोसायटी के फड़ प्रभारी तुलेश धूव आपरेटर रामेश्वर, मालमुकडदम मोहन लाल वर्मा अउ उहां के हेमाल काम करइया अउ गांव बगबुड़वा के तुलेश ध्रुव, रामेश्वर वर्मा, मोहनलाल वर्मा, दयालूराम ध्रुव, परस राम वर्मा, संजू वर्मा, बलदाऊ यादव, अर्जुन लाल ध्रुव, खोरगिंज़रा वर्मा, दूरपत साहू, गोवर्धन यदु, नागेश्वर वर्मा, अमर वर्मा, ललित वर्मा, सोहन साहू, रामकुमार वर्मा, राजू वर्मा मिलके आपराधिक षड़यंत्र करके योजना बनाके 290 कट्टा धान कीमती न्यूनतम समर्थन कीमत के आधार म लगभग 2,16,688 रूपिया के गबन करके शासन ल आर्थिक नुकसान पहुचाये हावय के रिपोर्ट म मउका म ही देहाती नालसी अपराध धारा 406, 408, 409, 34, 120B भा द वी पंजीबध्द करे गे रिहिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।