उद्यानिकी फसल मन के पंदउली खातिर एक जिला-एक जिनिस कार्यक्रम

रायपुर अउ बेमेतरा म पपीता, बालोद म अदरक अउ सरगुजा म लिसची की खेती ल मिलही पंदउली

अंजोर.रायपुर, 24 जून 2021। मुख्यमंत्री के भूपेश बघेल के मंशा के मुताबिक राज्य म उद्यानिकी फसल मन के पंदउली के खातिर उद्यानिकी विभाग डहर ले एक जिला-एक जिनिस कार्यक्रम शुरू करे जात हावय। ए कार्यक्रम के तहत राज्य के 14 जिला म 9 रकम के उद्यानिकी फसल मन के खेती ल बढ़ावा दे जाही। चिन्हित फसल मनके खेती करइया किसान मन ल उद्यानिकी विभाग डहर ले जरूरी मार्गदर्शन अउ मदद दे जाही।

उद्यानिकी विभाग डहर ले एक जिला-एक जिनिस कार्यक्रम के तहत अदरक, पपीता, आम, सीताफल, चाय, काजू, टमाटर, हल्दी अउ लिसची ल चिन्हित करे गे हावय। उद्यानिकी संचालक माथेश्वरन वी. ह बताइन के बलोद जिला के चयन अदरक के खेती के खातिर करे गे हावय, जबकि सूरजपुर जिला म हल्दी के खेती ल बढ़ावा दे जाही। रायपुर अउ बेमेतरा जिला के खातिर पपीता, दंतेवाड़ा जिला म आम, गौरेला-पेण्ड्रा-मरवाही अउ कांकेर म सीताफल के खेती, जशपुर म चाय उत्पादन, कोण्डागांव जिला म काजू, कोरिया, मुंगेली, रायगढ़ अउ दुर्ग जिला म टमाटर अउ सरगुजा जिला म लिसची के खेती ल पंदउली दे जाही।