अंजोर.कवर्धा, 18 जून 2021। कबीरधाम जिला के आदिवासी अउ बैगा बाहुल्य पंडरिया के विकासखंड सुदूर वनांचल क्षेत्र के महीडबरा जलाशय म लगभग एक हजार आठ सौ मीटर मुख्य नहर अउ माइनर नहर के निर्माण करे गे हावय। मुख्य नहर के लंबाई बढ़ाये ले महीडबरा के लगभग 80 किसान मन ल अब सिंचाई के खातिर पानी नहर ले मिले लगे हावय। येकर ले लगभग 75 हेक्टेयर खेती जमीन के खातिर सिंचाई क्षमता के विस्तार करे गे हावय। किसान मन के ये जुन्ना मांग रिहिस। नहर विस्तारीकरण होए ले किसान मन के रौनक लहुंट आये हावय। नहर विस्तारीकरण के बुता ले अब गांव म किसान मन ल सिर्फ वर्षा ऋत म निर्भर होए के जरूरत नइ होही।
नहर विस्तारीकरण के बुता मुख्यमंत्री भूपेश बघेल अउ छत्तीसगढ़ सरकार के महत्वाकांक्षी सुराजी गाँव योजना ले जोड़त महात्मा गांधी राष्ट्रीय ग्रमीण रोजगार गारंटी योजना के डहर ले वित्तीय साल 2020 - 21 म 14 लाख 6 हजार रूपिया के लागत ले बुता स्वीकृत करे रिहिस। ए बुता म 12 लाख 26 हजार रूपिया मजदूरी म अउ 2 लाख 40 हजार रूपिया सामग्री म व्यय होना प्रस्तावित करे गे रिहिस। जल संसाधन विभाग के डहर ले कराए गे ए बुता ले महीडबरा के 80 किसान मनला सिंचाई के खातिर पानी नहर ले मिले लगे हावय
ग्रामीण मन ह अपन स्वेच्छा ले आगू आके नहर के खातिर जमीन दीस
उल्लेखनीय होवय के नहर विस्तारीकरण के ए बुता म सहयोग देत बहुत झिन किसान मन अपन निजी जमीन ल स्वेच्छा ले नहर लाइन के बुता बर दे दीस। जेन गांव पहिली पानी के आभाव म केवल खरीफ के फसल ले पाते रिहिस वो परिवार अब रबी के फसल भी लेही अउ अपन आमदनी बढ़ाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।