प्राइवेट स्कूल म आर.टी.ई. के तहत भरती सुरू

अंजोर.रायपुर, 27 जून 2021। शिक्षा के अधिकार अधिनियम के तहत निजी शाला म 25 प्रतिशत अलाभांवित समूह के लइका ल प्रवेश दे जात हावय। निजी शाला प्रबंधन ल येकर बदला म प्रतिपूर्ति रकम शासन डहर ले समय-समय म दे जात हावय। 

आयुक्त लोक शिक्षण डॉ. कमलप्रीत सिंह ह बताइन के ए साल 6 हजार 622 निजी शाला म 83 हजार 649 सीट हावय, जेमे लइका ल प्रवेश दे जाना हावय। ओमन बताइन के अभी के बेरा म आर.टी.ई के प्रवेश पोर्टल खुला हावय। ए पोर्टल म इच्छुक पालक लइका ल निजी शाला म प्रवेश के खातिर आवेदन कर सकत हावयं। आर.टी.ई के तहत प्रवेश के खातिर लिंक हावय- eduportal.cg.nic.in/rte  ए लिंक म क्लिक करे म मिले आवेदन ल भरकर सबमिट कर सकत हावयं। जानबा हो के बिते साल 54 हजार ले जादा लइका ल निजी शाला म प्रवेश दे गिस।

डॉ. कमलप्रीत ह जिला शिक्षा अधिकारी अउ नोडल अधिकारी मन ल जादा ले जादा लोगन ल निजी शाला म अपन लइका के प्रवेश बर आवेदन करे ल प्रेरित करे के निर्देश दिस।