अंजोर.रायगढ़, 16 जून 2021। जूटमिल पेट्रोलिंग बखत गुण्डा, बदमाश मनके जांच, संदिग्ध के धरपकड़ करे जात हावय इही बीच आज मंझनिया मुखबिर ले पेट्रोलिगं पार्टी ल ट्रांसपोर्ट नगर म लैलूंगा के दू लड़का सेकेण्ड हावयंड बाईक बेचे के गोठबात करना बताइन। पेट्रोलिगं पार्टी ट्रांसपोर्टनगर पहुंच गे उहां आरोपी होण्डा ड्रीम बाईक CG13K-3462 के पाछु एक आन संगी ल बिठाये संदिग्ध अवस्था म मिलिस।
दुनों ले बाइक बिक्री के संबंध म पूछताछ करे म दुनों धकपका गे, स्टाफ दुनों ल हिरासत म लेके पूछताछ करिन त दुनों लैलूंगा के रहइया बताइन। ओमन बताइन के जूटमिल क्षेत्र म अपन महतारी अउ पिता के संग किराये म रिथे, ओकर संगी दिलेश्वर नाग के संग मिलके होण्डा ड्रीम बाइक के संग आसपास क्षेत्र म दू स्कुटी अउ दू TVS मोपेड के चोरी करके किराये मकान म छिपाके रखे हावय।
पुलिस दुनों संदिग्ध के मेमोरंडम म एक होण्डा ड्रीम बाइक, दू एक्टिवा स्कुटी अउ दू TVS मोपेड कुल कीमती करीब 1,70,000 के जप्ती करे हावय। आरोपी दिलेश्वर नाग पिता कार्तिकेश्वर नाग उमर 22 साल साकिन तुरतुरा थाना लैलूंगा अउ अपचारी बालक के विरुद्ध चौकी जूटमिल म धारा 41(1-4)CrPC/379IPC के कार्यवाही करे गिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।