अंजोर.रायगढ़, 22 जून 2021। पुलिस अधीक्षक संतोष सिंह के टीम रायगढ़ जिला म जुआ-सट्टा के जड़े काटने म लगे हावय। इही बीच कोतवाली पुलिस सट्टा के अवैध कारोबार म काफी समय ले सक्रिय बीड़पारा के जावेद खान म सट्टा एक्ट के संग 151 CrPC के कार्रवाई करके जेल भेजेहावय। क्रिकेट सट्टा ले नवयुवक ल बचाये पुलिस रायगढ़ डहर ले सबो प्रभारी ल क्रिकेट सट्टा म कार्रवाई करे के निर्देश दे गे हावय जेन म कई थानाक्षेत्र अन्तर्गत बिते आईपीएल टूर्नामेंट के बखत क्रिकेट सट्टा म कार्रवाही होइस। जेमा लाखों के नकदी समेत, करोड़ों रूपिया के सट्टा पट्टी के हिसाब किताब मिले हावय, आरोपी मन म सट्टा के संग प्रतिबंधात्मक कार्यवाही करे गिस।
एसपी संतोष सिंह डहर ले ए नेटवर्क ले जुड़े लोगन के धरपकड़ शुरू कराये गिस त इहां के सटोरिया मन लुकागे। सटोरिया जावेद खान म भी सरलग कोतवाली पुलिस सट्टा अउ प्रतिबंधात्मक कार्यवाही करे गिस, कोतवाली पुलिस डहर ले सरलग सटोरिया मनम कार्यवाही करे ले जावेद खान इहां ले भागना उचित समझिस, जेकर कुछ दिन पहिली आके फेर ले क्रिकेट सट्टा खेलाये के सूचना म कोतवाली पुलिस डहर ले रेड कार्रवाई करे गिस।
मउका म जावेद खान मोबाइल म इस्मालामाबाद वरसेस मुल्तान के क्रिकेट मैच म आनलाइन क्रिकेट सट्टा पर्ची म लिखे रिहिन, जेकर कब्जा ले सट्टा पटटी जेमा अलग-अलग क्रिकेट सट्टा 75,000 रूपिया अउ 65,500 रूपिया के हिसाब लिखे रिहिस। आरोपी जावेद खाना पिता जलील खान उमर 42 साल साकिन बीडपारा रायगढ थाना कोतवाली म धारा 4(क) सार्वजनिक द्युत अधिनियम के संग क्षेत्र म परिशांति कायम रखे के खातिर धारा 107,116(3),151 CrPC के तहत कार्रवाई करके एसडीएम रायगढ़ के न्यायालय पेश करिन जिहां ले जेल वारंट म आरोपी के जेल दाखिल करे गे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।