अंजोर.रायगढ़, 25 जून 2021। पुलिस अधीक्षक रायगढ़ संतोष कुमार सिंह डहर ले जिला म अवैध शराब, जुआ, सट्टा के प्रतिबंधित करे खातिर बेरा-बेरा म सबो थानाक्षेत्र म “विशेष अभियान” चलाये जात हावय। पाछु दिन पुलिस अधीक्षक डहर ले अवैध शराब म 10 दिवसीय अभियान चलाये गिस, जेमा आबकारी एक्ट के कुल 228 प्रकरण म 1,546 लिटर अवैध शराब जप्त करके 232 मनखे मन के ऊपर कार्यवाही करे गिस रिहिस एमे 58 आरोपी मन ल आबकारी एक्ट के अजामानजीय प्रकरण म जेल भेजे गिस। स्थायी वारंटी अउ फरार आरोपी मन के विरूद्ध चलाये गे अभियान म सबो थानाक्षेत्र अन्तर्गत अपेक्षाकृत कार्रवाई करे गिस हावय।
इही क्रम म पुलिस अधीक्षक अउ एडिशनल एसपी अभिषेक वर्मा दिशा निर्देशन म सबो थानाक्षेत्र अन्तर्गत अभियान चलाके लुक छुप करके सट्टा पट्टी लिखने वाला मन उपर टीम बनाके कार्रवाई करे गिस। ये अभियान के बखत एक ही दिन म 77 मनखे मन ल मुखबिर लगाके लाखों के सट्टा-पट्टी अउ नकदी रकम 1,15,935 के संग पकड़ा गे हावय, जेन म 4 (क) जुआ एक्ट करे कार्रवाई करे गिस। सट्टा-पट्टी के संग पकड़े गे कुछ आरोपी मन म पहिली म भी जुआ एक्ट के संग प्रतिबंधात्मक कार्रवाई करे गे हावय, थाना प्रभारी डहर ले अइसे आरोपी मन के थाना म अवैधानिक बुता ले दूरिहा रिहिके बढि़या तरीका ले जीवन यापन करे के कड़ा हिदायत दे गिस।
अभियान के बखत करे गे कार्रवाई म थाना कोतवाली म 20, थाना/चौकी खरसिया म 14, चक्रधरनगर म 10, चौकी जूटमिल म 05, बरमकेला, कोसीर, घरघोड़ा म 4-4, कोतरारोड़, छाल, सरिया म 3-3, सारंगढ, पूंजीपथरा, तमनार म 2-2 अउ भूपदेवपुर म 01 मनखे मन म कार्रवाई करे गिस हावय। जिला म अब तक 52 पत्ती तास खेले पकड़े गे जुआरिया म जुआ एक्ट के 78 प्रकरण बनाये गे हावय जेमे 317 मनखे मन ले नकदी ₹3,79,475 के जप्ती करे गिस हावय। उहें क्रिकेट सट्टा के बड़े खाईवाल सहित सट्टा-पट्टी लिखने आरोपी मन के पकड़ा गे हावय, अब तक सट्टा एक्ट के तहत 193 प्रकरण म 197 मनखे मन म कार्रवाई करे जा चुके हावय, जेमा नकदी 3,46,280 के संग सट्टा खिलाने म प्रयुक्त मोबाईल, लैपटॉप, टीवी अउ करोड़ों के सट्टा-पट्टी के हिसाब जप्त करिन। ए रकम ले ए साल आज दिनांक तक जुआ सट्टा के 271 प्रकरण म 514 मनखे मन ले 7,25,755 नगदी के जप्ती करे गिस हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।