अंजोर.रायगढ़, 26 जून 2021। सिटी कोतवाली रायगढ़ अन्तर्गत संजीवनी अस्पताल म समाज के शर्मसार करे वाला घटना समाने आये हावय। कोतवाली थाना प्रभारी मनीष नागर मंझनिया मुखबिर ले खून के जरूरतमंद के करार शुल्क ले करीब 3500-4000 जादा रकम लेके अवैध रूप ले ब्लड बेचे के सूचना मिलिस। कोतवाली टीआई मनीष नागर अपन मुखबिर ल ही ग्राहक बनाके आरोपी ले ब्लड के सौदा करे ल भेजिस अऊ रंगे हाथ पकडि़स।
मिले आरो के मुताबिक ब्लड बैग के अवैध बिक्री के सूचना म कोतवाली प्रभारी टीआई नागर, उपनिरीक्षक नंदलाल पैंकरा हमराह आरक्षक हेमकुमार सोन, मनोज पटनायक के संग संजीवनी अस्पताल पहुंचे, जिहां संदेही मोहम्मद इम्तयाज खान पिता नजीर खान उमर 30 साल निवासी ढिमरापुर के कब्जा ले अवैध रूप ले मानव खून (ब्लड बैग) बरामद होइस। पूछताछ म संदेही इम्तयाज खान संजीवनी अस्पताल के रायगढ़ ब्लड बैंक ले 3500 रूपिया म खरदीके लाना बताइन।
कोतवाली पुलिस के टीम जब सिलसिलेवार संदेही अउ गवाह ले पूछताछ करिस तब संजीवनी अस्पताल के रायगढ़ ब्लड बैंक संचालक/पैथोलाजी प्रभारी प्रदीप पाण्डेय के संलिप्तता पाईस, जेकर संग आरोपी इम्तयाज खान ब्लड बैंक ले ब्लड बैग के चोरी करके मार्केट म जरूरतमंद ल वास्तविक रेट ले जादा 3,500 ले 4,000 म बिक्री करत रिहिस।
कोतवाली पुलिस आरोपी मोहम्मद इम्तयाज खान पिता नजीर खान उमर 30 साल निवासी ढ़िमरापुर अउ रायगढ ब्लड बैंक के प्रभारी/संचालक प्रदीप पाण्डेय के विरूद्ध ब्लड बैग जप्ती उक के कार्रवाई इस्तगासा धारा 41(1-4) जाफौ 0/379 भादवि के अन्तर्गत करके आरोपी मन के खिलाफ असल अप.क्र. 829/2021 धारा 269, 270, 380, 411, 34 भादवि के तहत अपराध पंजीबद्ध करे गिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।