विश्व सिकल सेल दिवस : स्वास्थ्य मंत्री टी.एस. सिंहदेव ह बढि़या वर्चुअल वेबिनार खातिर कलेक्टर ल दिस बधाई

अंजोर.सूरजपुर, 19 जून 2021। विश्व सिकल सेल दिवस के मउका म जिला प्रशासन कलेक्टर डॉ. गौरव कुमार सिंह अउ जिला पंचायत सीईओ राहुल देव के अभिनव पहल ले जिलवासी खातिर सिकल सेल बीमारी के संबंध म जानकारी दे अउ जागरूक करे बर वर्चुअल वेबिनार कार्यक्रम आयोजन करे गिस जेमा स्वास्थ्य मंत्री टी.एस. सिंहदेव, स्कूल शिक्षा मंत्री डॉ. प्रेमसाय सिंह टेकाम, संसदीय सचिव पारसनाथ राजवाड़े, सीएमएचओ डॉ. आर. एस. सिंह, डॉक्टर, आने-आने विभाग के अधिकारी कर्मचारी सहित लगभग 1000 लोगन जुड़े रिहिस।

कलेक्टर डॉ. गौरव कुमार सिंह के अथक प्रयास ले जिलावासी ल सिकल सेल बीमारी ले निजात दिलाये खातिर जादा ले जादा लोगन ल सिकल सेल, एनीमिया बीमारी के प्रति जनजागरूकता के जानकारी देत देश के डॉ. राहुल भार्गव जेन हेमेटोलाजी, हेमेटोन्कोलोजी अउ बोन मैरो ट्रांस्प्लांट, गुड़गांव, दिल्ली ले वर्चुअल वेबिनार के माध्यम ले जुड़के सिकल सेल रोग के दवा अउ उचित उपचार के संबंध म व्यापक जानकारी दीस। 

वेबिनार म ओमन किहिन के सिकल सेल रोग ले अपंगता नइ हावय जेन मनखे म सिकल सेल रोग हावय वो भी सामान्य मनखे मन के रकम ले निश्चित बखत तक जीवन जी सकत हावय। ओमन बताइन के ए बीमारी म लाल खून कोशिका के आकार सिकल (हसिया) के आकार के हो जात हावय अउ शरीर के खून जल्दी टूटथे जेकर ले खून की कमी हो जात हावय। डॉ. राहुल भार्गव ह एला अनुवांशिक बीमारी बताइन जेन मां-बाप ले लइका म आत हावय। ओमन सिकल सेल के लक्षण के भी जानकारी दीस जेमा बार-बार बुखार, खून के कमी, हाथ, पैर, पेट म तेज दर्द, पीलिया, हाथ पैर म सूजन, तिल्ली के बढ़ना, अचानक तेज दर्द के जानकारी दीस। 

ओमन बताइन के कुछ समुदाय म सिकल सेल जादा मात्रा म देखे ल मिलता हावय जइसे गोंड़, तेली, देवांगन, महार समाज म जादा देखे ल मिलत हावय। डॉ. राहुल भार्गव ह सिकल सेल के रोगी मनखे ल डॉक्टर मन ल दिखाये के सलाह दीस अउ कोनो एक मनखे ल सिकल सेल होही त बिहाव के पहिली डॉक्टर ले सलाह करे। ताकि बीमारी ले लइका ल बचाया जा सके।

स्वास्थ्य मंत्री टी.एस. सिंहदेव ह वर्चुअल वेबिनार म जुड़के बताइन के सिकल सेल रोग के बारे म शुरुआती दौर म नइ जानता रिहिस फेर जब सर्वजनिक जीवन के संबंध म जाने लगे त स्थिति ले अवगत होइस जेन अपन गांव के महिला मन ले जानकारी मिले होइस। ओमन किहिन सिकल सेल के जांच करे के सुविधा उपलब्ध हावय। समय म जांच कराना चाही। ये मउका म जिलावासी ल सिकल सेल रोग के बरे म जानकारी देत बेहतरीन वर्चुअल वेबिनार आयोजन के खातिर कलेक्टर डॉ. गौरव कुमार सिंह ल बधाई दीस।