अंजोर.कोण्डागांव, 03 जून 2021। कार्यालय जिला शिक्षा अधिकारी कोण्डागांव डहर ले जारी विज्ञप्ति के मुताबिक जिला म सबो विकासखण्ड म स्वामी आत्मानंद शासकीय अंग्रेजी माध्यम स्कूल बर शिक्षक अउ कर्मचारी मनके प्रतिनियुक्ति अस्थाई रूप ले करे जाना हावय। एकर बर सबोच शाला के जरूरत के मुताबिक छत्तीसगढ़ शासन के शिक्षक अउ कर्मचारी म ले योग्यताधारी आवेदक ले आवेदन आमंत्रित करे गे हावयं। आवेदन जमा करे के आखरी तिथि 08 जून 2021 करार करे गे हावय। प्रतिनियुक्ति बर आवेदन के प्रारूप के अवलोकन जिला शिक्षा कार्यालय के सूचना पटल या जिला के वेबसाइट www.kondagaon.gov.in म करे जा सकत हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।