अंजोर.कांकेर, 28 जून 2021। प्रदेश म 05 साल ले कम उमर वर्ग के लइका म पोषण स्तर के आंकलन करे बर समुदाय के सहभागिता सुनिश्चित करे के खातिर वजन तिहार के आयोजन करे जात हावय। जिला कार्यक्रम अधिकारी महिला बाल विकास किशन टंडन क्रांति ह बताइन के कोविड-19 के गाईडलाईन के पालन करत जिला के सबो आंगनबाड़ी केन्द्र म 07 ले 16 जुलाई तक वजन तिहार मनाये जाही।
सबोच परियोजना म 05 साल तक के सबो गंभीर अउ मध्यम कुपोषित लइका के नामवार सूची उपलब्ध कराये के खातिर परियोजना अधिकारी मन ल जिला कार्यालय महिला बाल विकास विभाग ह निर्देशित करे हावय। सबोच पर्यवेक्षक सेक्टर म 05 ले 06 कलस्टर तइयार करे के संग सबोच कलस्टर म आन विभाग के अधिकारी मन ल नोडल अधिकारी मन के रूप म नामांकित करे अउ कलस्टर अउ ओमा वजन तिहार आयोजन के तिथि के जानकारी 30 जून तक उपलब्ध कराये के खातिर केहे गे हावय। जिला कार्यक्रम अधिकारी ह परियोजना अधिकारी मन अउ सेक्टर सुपरवाईजर ल निर्देशित करत किहिन के सबो गांव के आने-आने ठऊर मन म वजन तिहार ले संबंधित कम से कम 20 नारा के लेखन करे अउ बैनर, पोस्टर के माध्यम ले गांव-गांव म प्रचार-प्रसार कराना सुनिश्चित करें। आंगनबाड़ी केन्द्र म साल्टर, इलेक्ट्रॉनिक वजन मशीन अउ लइका के वजन के बड़वार चार्ट के उपलब्धता सुनिश्चित करे के निर्देश भी दिये गे हावयं।
परियोजना अधिकारी मन ल निर्देशित करत जिला कार्यक्रम अधिकारी ह किहिन के शून्य ले 05 साल के सबो लइका के वजन करे जाही, जेमा वजन करे गे लइका के संख्या के पाछु महीना के प्रतिवेदित संख्या ले मिलान नी करे जावे। यदि कोनो लइका वजन करे ले छूट जात हावय त ये बखत म पल्स पोलियो के तर्ज म घर-घर जाके लइका के वजन ले जावे। जनपद सीईओ, खण्ड चिकित्सा अधिकारी, खण्ड शिक्षा अधिकारी मन के संग बइठक करके वजन तिहार अउ 11 ले 18 साल के किशोरी नोनी मन के हिमोग्लोबिन जॉच अउ उंकर वजन के बारे म कार्यक्रम के रूपरेखा तइयार करे के निर्देश परियोजना अधिकारी मन के दिये हावयं।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।