अंजोर.बालोद, 26 जून 2021। डौण्डीलोहारा क्षेत्र के ग्राम जाटादाह म पुल के पास दल्ली राजहरा-राजनांदगांव मेन रोड म अज्ञात मोटर सायकल सवार आरोपी कोति ले कार के शीशा ल तोड़के सेल्समैन अक्षय तिवारी अउ सचिन महोबिया ले मारपीट कर उंकर बैग म रखे 13,34,000 रूपिया लैपटाप, बारकोड स्कैनर अउ आन सामान लूट के फरार होगे रिहिस। जेमा आरोपी मनके वारदात के बाद भागे के रास्ता म नाकेबंदी करके सरहदी जिल म तको नाकेबंदी खातिर सूचना दी गिस। प्रार्थी पूनम कोचर के रिपोर्ट म थाना डौण्डीलोहारा म अपराध क्रमांक- 112/2021,धारा-294, 34, 394, 427, 506 भादवि पंजीबद्ध कर विवेचना म लिस।
पुलिस कोति ले पूनम कोचर, सेल्समैन अक्षय तिवारी अउ सचिन महोबिया ले बारीकी ले पूछताछ करके मुखबीर तंत्र, सीसीटीवी फुटेज संग तकनीकी साक्ष्य के आधार पर आरोनी मनके पता लगाये गिस। घटना स्थल, सीसीटीवी फूटेज अउ अक्षय तिवारी ओकर सचिन महोबिया के बयान आन होए ल घटना म संदेह करे म फर्जी लूटकांड के पर्दाफास होगे। ये प्रकरण के 04 आरोपी अक्षय तिवारी पिता बालमुकुद तिवारी उम्र 28 साल पता प्रेमनगर सिकोला भाठा थाना मोहनगर जिला दुर्ग, सचिन महोबिया पिता संतोष कुमार महोबिया उम्र 27 वर्ष साकिन चैखडिया पारा वैष्णव देवी मंदिर पास राजनांदगांव वार्ड क्र 39 थाना बसंतपुर जिला राजनांदगांव, रंजोत सिंह उर्फ शिबू बोपाराय पिता गुरमीत सिंह बोपाराय उम्र 24 वर्ष साकिन स्टेशन पारा तितुरडीह दुर्ग थाना मोहन नगर जिला दुर्ग, दिलप्रीत सिंह भुट्टर पिता निरंजन सिंह भुट्टर उम्र 24 वर्ष साकिन वार्ड नंबर 14 प्रेमनगर सिकोला भाठा दुर्ग थाना मोहन नगर जिला दुर्ग ल गिरफ्तार कर ले गे हावय। अऊ आरोपी ऋषभ शुक्ला पिता विजय शुक्ला निवासी सिकोला दुर्ग फरार हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।