बस्तरवासी मनके मुताबिक होही बस्तर के विकास : मुख्यमंत्री भूपेश बघेल

अंजोर.रायपुर, 21 जून 2021। मुख्यमंत्री भूपेश बघेल ह बस्तर, बीजापुर अउ सुकमा जिला म विकास अउ निर्माण कार्य के लोकार्पण अउ भूमिपूजन के वर्चुअल कार्यक्रम ल संबोधित करत किहिन के बस्तर के किसान अउ वनवासी बस्तर के जइसे विकास चाहत हावयं, वइसने ही विकास होही। बस्तर के विकास के दिशा कइसे होही, एला बस्तर के लोगन तय करे हावयं। इही सेती बस्तर म अब तेजी ले शांति के रद्दा खुलत हावयं। मुख्यमंत्री ह किहिन के जब लोगन ल उंकर अधिकार मिले हावयं, उंकर संग न्याय होथे हावय, रोजगार मिलत हावय, शिक्षा अउ स्वास्थ्य के सुविधा सुलभ होत हावय। बिजली, पेयजल अउ आवागमन के बेवस्था सुगम होती हावय, त समृद्धि आवत हावय। समृद्धि ले शांति अउ विकास के मार्ग प्रशस्त होथे। 

मुख्यमंत्री श्री बघेल ह ए मउका म मंत्री कवासी लखमा, बस्तर के सांसद दीपक बैज सहित सबो विधायक के गेलौली म चित्रकूट जलप्रपात परिसर म लाईट एंड साउंड शो सिस्टम, बीजापुर म सबो सुविधायुक्त सेंट्रल लाईब्रेरी के स्थापना, कनकापाल ले लेढा अउ झीरम घाटी ले ईलमनार सड़क के निर्माण कराए जाये के घोषणा करिस। मुख्यमंत्री ह विधायक मनके मांग म नवा तहसील अउ ब्लॉक मुख्यालय के अलावा ग्रामीण अंचल म स्वामी आत्मानंद अंग्रेजी माध्यम स्कूल के स्थापना के प्रस्ताव के परीक्षण कराए जाये के बात किहिन। मुख्यमंत्री श्री भूपेश बघेल ह किहिन के बस्तर अंचल के लोगन के जीवन स्तर म बदलाव आए, इहीं हम चाहत हावन। मुख्यमंत्री ह बस्तर अंचल के सबो जिला म शासन के योजना मन अउ कार्यक्रम के क्रियान्वयन अउ येकर जरिए लोगन के जीवन स्तर ल बढि़या बनाये के खातिर करे जात प्रयास के सराहना करिन। 

मुख्यमंत्री ह आगू किहिन के बस्तर अंचल म खेती-किसानी, पर्यटन, लघु वनोपज के संग्रहण अउ प्रसंस्करण के क्षेत्र म बढ़िया काम होत हावय। मुख्यमंत्री भूपेश बघेल ह ए मउका म जिला प्रशासन बस्तर डहर ले युवा मन के प्रतियोगी परीक्षा के तइयारी के खातिर मोबाइल एप ‘‘युवोदय एकेडमी’’, पर्यटक ल बस्तर जिला के पर्यटन जगह के जानकारी दे के खातिर टेबल बस्तर डॉटकॉम वेबसाईट अउ नवाचार ल प्रोत्साहित अउ स्व-उद्यमिता म रूचि रखने वाला बस्तर के युवा मन के सहयोग के खातिर गठित सोसायटी ‘‘थिंक-बी’’ के लोगो लॉन्च करिन। 

मुख्यमंत्री श्री भूपेश बघेल ह ए मउका म बस्तर, बीजापुर अउ सुकमा जिला म 642 करोड़ रूपिया के विकास अउ निर्माण कार्य के लोकार्पण अउ भूमिपूजन करिन, जेमा बीजापुर जिला म 380.36 करोड़ के लागत के 721 कार्य, बस्तर जिला म 167.21 करोड़ के लागत के 70 बुता अउ सुकमा जिला म 94.10 करोड़ रूपिया के लागत के 88 विकास अउ निर्माण बुता शामिल हावयं। मुख्यमंत्री ह ए मउका म स्व-सहायता समूह के सदस्य महिला मन अउ शासन के आने-आने योजना मन अउ कार्यक्रम ले लाभान्वित हितग्राही मन ले गोठबात करिस अउ ओला बधाई अउ शुभकामना दीस।