बिपत के बेरा म भूपेश सरकार पोछिस दुखिया के आंसु, अनुकंपा पाके खुस हावय परिवार

अंजोर.रायपुर, 22 जून 2021। वो ह चाहे मधु हो या योगिता, नंदिता हो, या फेर ओमप्रकाश, शिवानी, समीक्षा, मीरा मतलाम. कोनो ह अपन पिता खोइस त कोनो ह अपन पति.. कोरोना महामारी ह परिवार ल उजाड़ दीस। अनमोल रिश्ता के धागा म बंधे एक ही परिवार के सदस्य मन के मउत ह ये सबो ल कभू न भूलने वाला अइसे गहरा जख्म दे हावय के आज भी ओला याद करके पीड़ित परिवार सिहर जाथे। 

कोरोना ले हमेशा के खातिर मउत के नींद सो गे वो लोगन जेन घर के मुखिया रिहिस, सरकारी नौकरी म रिहिस अउ जेकर म पूरा परिवार के जिम्मेदारी रिहिस, अचानक ले उंकर मउत परिवार के खातिर कोनो सदमा ले कम नइ रिहिस। एक कोति घर के कमाऊ सदस्य के एकाएक मउत के गम त दूसरी कोति अनुकम्पा नियुक्ति के लेके साल जुन्ना पेचीदगी। अनुकम्पा नियुक्ति म 10 प्रतिशत के सीमा बंधन होए के सेती ले चौतरफा मुसीबत ले घिरे परिवार के पास सिवाए आंसू ओखी कुछ न रिहिस। अइसे म प्रदेश के मुख्यमंत्री भूपेश बघेल के संवेदनशील पहल अनुकम्पा नियुक्ति के प्रावधान ल 31 मई 2022 तक शिथिल करके पीडित परिवार के आश्रित अउ पात्र सदस्य मन ल शासकीय विभाग म अनुकम्पा दे के लघियात फइसला ह कोरोना के लहर म उजड़ चुके परिवार ल फेर ले संवारे के काम करिन। 

बतौर अनुकम्पा सरकारी नौकरी मिले ले अनुकम्पा पवइया मन के दिल म अपन मृत पिता, पति या मां के सपन ल पूरा करे के उम्मीद बन गे हावय। अइसने ही अनुकम्पा वाला कुछ लोगन ले जब मुख्यमंत्री के संवाद होइस त सबो ह अनुकम्पा नियुक्ति म नियम शिथिल करे म मुख्यमंत्री के आभार व्यक्त करिन..., मुख्यमंत्री तको सबे आपबीती सुनके भावुक होगे।

जानबा हावय के मुख्यमंत्री भूपेश बघेल के अध्यक्षता म बीते 18 मई के होए कैबिनेट के बइठक म अनुकंपा नियुक्ति के खातिर पद के सीमा-बंधन म छूट दे के फइसला ले गे रिहिस। अनुकम्पा नियुक्ति के लंबित प्रकरण के निराकरण के दृष्टि ले राज्य शासन डहर ले पहिली म प्रावधानित दस प्रतिशत पद के सीमा-बंधन ल 31 मई 2022 तक के खातिर शिथिल करे गे हावय।

विशेष लेख : कमलज्योति - सहायक जनसम्पर्क अधिकारी