अंजोर.रायपुर, 3 जून 2021। मुख्यमंत्री भूपेश बघेल डहर ले प्रदेश म शहरी गरीब आवासहीन मनला सर्वसुविधायुक्त पक्का मकान उपलब्ध कराये के घोषणा म लघियात अमल करत 36 हजार 177 घर मन के निर्माण के खातिर 1 हजार 188 करोड़ 28 लाख रूपिया के स्वीकृति दे गिस हावय। नगरीय प्रशासन अउ विकास विभाग के प्रस्ताव म मुख्य सचिव अमिताभ जैन के अध्यक्षता म मंत्रालय महानदी भवन म आयोजित राज्य स्तरीय स्वीकृति अउ निगरानी समिति के बइठक म ये स्वीकृति दे गिस। शहरी गरीब मन ल आवास उपलब्ध कराये के स्वीकृति मिले म नगरीय प्रशासन अउ विकास मंत्री डॉ. शिवकुमार डहरिया ह प्रसन्नता व्यक्त करत मुख्यमंत्री श्री बघेल के प्रति आभार व्यक्त करिन हावय।
बइठक म स्वीकृत करे गे आवास म नगरीय क्षेत्र म ‘मोर जमीन-मोर मकान’ घटक अन्तर्गत आने-आने नगरीय निकाय के 138 परियोजना के अन्तर्गत 34 हजार 308 आवास निर्माण बर 1 हजार 66 करोड़ 18 लाख रूपिया अउ रायपुर विकास प्राधिकरण के परियोजना अन्तर्गत 1869 आवास निर्माण के खातिर 122 करोड़ 10 लाख रूपिया के स्वीकृति करे गिस। योजनान्तर्गत राज्य शासन डहर ले शहरी गरीब आवासहीन ल सर्वसुविधायुक्त आवास देके उंकर जीवन ल बढि़या बनाये अउ सामाजिक अउ आर्थिक स्थिति म बदलाव लाने के प्रयास करे जात हावय। आवास के संग-साथ हितग्राही मन के मूलभूत सुविधा, बिजली, पानी, सड़क आदि के सुविधा भी उपलब्ध कराये जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।