डीएमएफ मद म बनही अब देवगुड़ी, घोटुल, चारागाह अउ गउठान म शेड : खनिज विभाग के सालाना कतका रकम मिलथे... पढ़व पूरा अंजोर छत्तीसगढ़ी समाचार म

अंजोर.रायपुर, 28 जून 2021। मुख्यमंत्री भूपेश बघेल ह किहिन के सुराजी गांव योजना के तहत गांव म स्थापित करे गे गउठान के बेवस्था के चाक-चौबंद करे म डीएमएफ फंड के रकम के उपयोग करे जाए। चारागाह के विकास, गउठान म मल्टी एक्टिविटी सेंटर के खातिर शेड निर्माण सहित बस्तर अंचल म देवगुड़ी अउ घोटुल निर्माण के बुता भी ए मद ले करे जाएं। ओमन किहिन के गउठान के रूरल इंडस्ट्रीयल पार्क के रूप म विकसित करे के योजना हावय। इहां शेड बने ले स्व-सहायता समूह के आर्थिक गतिविधी के संचालन म आसानी होही। श्री बघेल ह किहिन के ग्रामीण अंचल के अंदरूनी क्षेत्र म स्वास्थ्य सेवा पहुंचाये म मुख्यमंत्री हाट बाजार क्लिनिक योजना काफी प्रभावी सिद्ध होत हावय। ए योजना के खातिर गाड़ी के बेवस्था करे म भी ए मद के उपयोग करे जाए। बइठक म ये भी फइसला लिस के हाल ही म जिला म करे गिस आने-आने घोषणा म अमल के खातिर डीएमएफ के रकम के उपयोग करे जाए।

मुख्यमंत्री ह बइठक म किहिन के प्रदेश म अनुपयोगी खदान म जिहां पानी इकट्ठा हावय, उहां पंप लगाके किसान मन ल सिंचाई के सुविधा दं जाए। गौण खनिज रेत ले मिले रायल्टी के वितरण संबंधित गांव पंचायत मन ल जल्दीन करे जाए। जानबा होवय के पंचायत मन ल रेत ले मिले रायल्टी म 25 प्रतिशत जादा रायल्टी दे के प्रावधान हावय। मार्च 2020 के स्थिति म प्रावधान के मुताबिक पंचायत मन ल 19 करोड़ 20 लाख 94 हजार रूपिया के वितरण के कार्यवाही विभाग डहर ले करे जात हावय। 

समीक्षा बइठक म जानकारी दीस के साल 2020-21 म राज्य के 5517 करोड़ रूपिया के खनिज राजस्व मिले हावय। साल 2021-22 म लगभग 7800 करोड़ रूपिया के खनिज राजस्व प्राप्ति के लक्ष्य तय करे गे हावय। चालू वित्तीय साल म मई 2021 तक के स्थिति म कुल 1217 करोड़ 82 लाख रूपिया के खनिज राजस्व मिले हावय। बइठक म ये भी बताइन गे के साल 2021-22 म 18 खनिज ब्लॉक्स नीलामी बर प्रस्तावित करे  गे हावयं। मुख्यमंत्री ह ये खनिज ब्लॉक्स के खातिर सबो तइयारी समय-सीमा म पूरा करे के निर्देश दे हावयं। ये खनिज ब्लॉक्स के नीलामी ले 6 महीना म लगभग 200 करोड़ रूपिया के रकम मिलही अउ ये ब्लॉक्स म खनन सुरू होए ले हरेक साल लगभग 1998 करोड़ रूपिया के राजस्व प्रदेश ल मिलही। ये खनिज ब्लॉक्स म 10 लौह अयस्क के अउ 8 चूना पत्थर के ब्लॉक्स शामिल हावय। 

मुख्यमंत्री श्री बघेल ह प्रदेश म बहुमूल्य खनिज डायमंड, गोल्ड, सिल्वर, कॉपर, टंगस्टन, बेसमेटल, निकिल, पीजीई मिनरल्स, बाक्साईड अउ लौह अयस्क के नवा खनिज क्षेत्र के अन्वेषण तकनीकी विशेषज्ञता मिले कम्पनी के सहयोग ले करे के प्रस्ताव के बइठक म सहमति दीस। जिला खनिज संस्थान न्यास के समीक्षा के बखत जानकारी दीस के डीएमएफ ले कार्य के स्वीकृति अउ ए मद ले व्यय करे वाला राज्य म छत्तीसगढ़ के देश म दूसरा ठऊर हावय। राज्य म डीएमएफ निधि के 68 प्रतिशत रकम के व्यय करे गे हावय, जेन पूरा देश म अधिकतम हावय। इही रकम ले डीएमएफ पोर्टल के माध्यम ले कार्य के स्वीकृति, रकम के वितरण अउ भुगतान करे के मामला म छत्तीसगढ़ देश म पहिली ठऊर म हावय। साल 2020-21 म डीएमएफ मद म 1464 करोड़ 53 लाख रूपिया के रकम मिले हावय। ए वित्तीय साल म महीना मई तक 251 करोड़ रूपिया के रकम मिले हावय। डीएमएफ ले 7 हजार 9 करोड़ रूपिया के लागत के 51 हजार 951 बुता स्वीकृत करे गे हावयं। ये बुता म अब तक 4766 करोड़ रूपिया के रकम खर्च करे गे हावय।