मुख्यमंत्री भूपेश बघेल के समाचार : सरलग पानी गिरे के सेती कलेक्टर मनला साव-चेत रेहे के निर्देश

अंजोर.रायपुर, 23 जून 2021। मुख्यमंत्री भूपेश बघेल ह प्रदेश म होत सरलग बरसात के देखत संभावित बाढ़ प्रभावित इलाका म राहत अउ बचाव के उपाय के सबो बेवस्थाप सुनिश्चित करे के निर्देश सबो जिला कलेक्टर मन के दे हावयं। ओमन किहिन के बाढ़ के स्थिति म कोनो भी रकम के विपरित परिस्थिति ले निपटे खातिर के खातिर पूरा सतर्कता रखे जाए। लोगन ल बचाव अउ ओला राहत पहुंचाये के सबो तइयारी भी रखे जाए।

मुख्यमंत्री ह निचले अउ संभावित बाढ़ प्रभावित इलाका म आपदा प्रबंधन दल ल मुस्तैद रखे के निर्देश दे हावयं। मुख्यमंत्री ह किहिन हावय के जरूरत पड़े म प्रभावित मन ल तुरते जरूरी मदद उपलब्ध कराये जाए। मुख्यमंत्री ह किहिन हावय नदी नाला के जल स्तर म सरलग निगरानी रखे जाए। येकर जानकारी सरलग रूप ले कंट्रोल रूम म दे जाए। जिहां भी बाढ़ के स्थिति बने हो सकत हावय उहां पहिली ले ही जरूरी सबो बेवस्थाा सुनिश्चित करे जाए।

मुख्यमंत्री ह जिला कलेक्टर मन ले किहिन हावय के बाढ़ ले प्रभावित क्षेत्र म स्कूल अउ नजदीक के भवन म अस्थाई राहत शिविर के बेवस्था सुनिश्चित करे जाए। मुख्यमंत्री ह राज्य आपदा मोचन बल सहित प्रभावित जिला के जिला पुलिस बल, होमगार्ड, राजस्व विभाग, स्वास्थ्य विभाग, लोक स्वास्थ्य यांत्रिकी, विद्युत विभाग, लोक निर्माण, खाद्य विभाग, नगरीय निकाय, बीएसएनएल उक के अधिकारी मन के भी सचेत अउ सतर्क रेहे ल किहिन हावय।