गोधन न्याय योजना : वर्मी कम्पोस्ट बनाये अउ बेचे म रायगढ़ जिला अव्वल

अंजोर.रायगढ़, 2 जून 2021। छत्तीसगढ़ शासन के गोधन न्याय योजना के क्रियान्वयन म रायगढ़ जिला पहिली पायदान म हावय। योजना ले प्रदेश म रायगढ़ जिला म अब तक सबले जादा वर्मी के उत्पादन अउ बेचे गे हावय। जिला म योजना ले कुल 222 सक्रिय गउठान हावयं। जेमे ले 2645167 किग्रा खातु के निर्माण करे गे हावय। जेमा ले लगभग 1226665 किग्रा खातु के बिक्री करे जा चुके हावय। जेकर कुल बेचे रकम लगभग 1 करोड़ 22 लाख 15 हजार 765 रूपिया हावय।

मुख्यमंत्री भूपेश बघेल डहर ले ग्रामीण अर्थव्यवस्था के मजबूती अउ स्थानीय स्तर म रोजगार के मउका बढ़ाये के संग जैविक खेती ल बढ़ावा दे के खातिर योजना के शुरुआत करे गे हावय। ये योजना गांव वाला के खातिर अत्यंत लाभकारी सिद्ध होत हावय। रायगढ़ जिला म योजना के सफल क्रियान्वयन बर कलेक्टर भीम सिंह सरलग येकर मॉनिटरिंग करत हावयं। वो गउठान के सरलग निरीक्षण करके, उहां के नोडल अधिकारी मन के सरलग बइठक लेके गउठान स्तर म क्रियान्वयन के समीक्षा करे हावयं। कलेक्टर श्री सिंह ह अधिकारी मनल निर्देशित करिन के गोधन न्याय योजना मूल रूप ले गउठान ल स्वावलंबी बनाये के योजना हावय। 

गउठान के स्वावलंबी होए ले किसान मनके आय बड़वार म मदद मिलही येकर संग ही जैविक खेती ल भी बढ़ावा दे म सहयोग मिलही। जानबा होवय के बड़े पैमाना म किसान गोधन योजना के लाभ आगू आत हावयं। जेन गोबर बेचत रिहिन हावयं अउ येकर ले ओला अतिरिक्त आय हासिल होत हावय। किसान ए सेती ले पशुपालन तनि भी प्रेरित होत हावयं येकर ले पशुपालन ल भी बढ़ावा मिले हावय अउ अंतत: कृषि के संग पशुपालन ल बढ़ावा दे ले ग्रामीण विकास ल बढ़ावा मिले  हावय। येकरे सेती वर्मी कम्पोस्ट के निर्माण अउ येकर बिक्री के मामला म प्रदेश म रायगढ़ जिला अव्वल हावय।