पढ़व सफलता के कहानी : महिला स्व-सहायता समूह मक्का पॉपकॉर्न बेचके कमावथे मुनाफा

अंजोर.जशपुरनगर, 2 जून 2021। गोधन न्याय योजना ले स्व-सहायता समूह के महिला मनला आजीविका ले जोड़के उनला ओला आचार बनाये, मक्का ले पापकॉर्न बनाये, खाद्य तेल उत्पादन, मुर्रा बनाये, दोना-पत्तल बनाये के खातिर प्रशिक्षण दे गे हावय। मनोरा विकासखंड के मां गंगा स्व-सहायता समूह के महिला मनला गउठान ले जोड़के स्व-रोजगार ले जोड़े गे हावय अउ जिला खनिज न्यास निधि मद ले मक्का पॉपकॉर्न बनाये के खातिर प्रशिक्षण देगे हावय। अब महिला मन मनोरा विकासखंड म ठेला लगाके मक्का ले पॉपकॉर्न ल बेचके आर्थिक आमदनी करत हावय।

कलेक्टर के मार्गदर्शन अउ मनोरा विकासखंड के जनपद सीईओ अनिल तिवारी के दिशा निर्देश म जिला खनिज न्यास निधि मद ले मनोरा विकासखंड म गउठान ले जुड़े मां गंगा स्व-सहायता समूह के महिला मनल 67823 हजार के रकम उपलब्ध कराये गे हावय। महिला मन अब आजीविका ले जुड़के पॉपकॉर्न ल बेचे म लगे हावय। समूह के महिला मन ह जिला प्रशासन ल धन्यवाद देत किहिन हावय के आजीविका ले जुड़के आज अपन परिवार ल मदद पहुंचावत हावन।