कोविड टीकाकरण रजिस्ट्रेशन ऑनलाइन कोविन पोर्टल म होही

अंजोर.रायपुर, 23 जून 2021। 18 साल ले जादा उमर के सबो नागरिक के टीकाकरण के खातिर कोविन पोर्टल के माध्यम ले रजिस्ट्रेशन करे जात हावय। कोविन पोर्टल के लिंक https://www.cowin.gov.in हावय। रजिस्ट्रेशन बर अप्लाई करे अउ मोबाईल नंबर डाले म ओटीपी आये ल वेरिफिकेशन अउ संबंधित जानकारी एन्ट्री करे के बाद टीकाकरण के खातिर पंजीयन हो जात हावय।

जेन मनखे मन ल स्वयं रजिस्ट्रेशन करे म कठिनाई होही, वो आधार कारड या कोनो आन विधिमान्य पहचान-पत्र के संग टीकाकरण केन्द्र म उपस्थित होके भी रजिस्ट्रेशन करा सकत हावयं। जानबा होवयं के एक मनखे के खातिर एक पंजीयन करे पर्याप्त हावयं। सबो नागरिक ले अपील करे गिस हावय के वो अलग-अलग मोबाइल नम्बर या अलग-अलग फोटो आईडी के माध्यम ले रजिस्ट्रेशन नइ कराएं। दूसर डोज के टीकाकरण के खातिर पहिली डोज के समय कराए गे पंजीयन अउ मोबाइल नम्बर के ही उपयोग करे जाना हावयं। टीकाकरण केन्द्र म टीकाकरण बर अपन पंजीकृत मोबाइल नम्बर अउ पंजीयन के समय दे गे आईडी अउ पंजीयन स्लीप भी लाना हावय।