चोरी अउ चंद्राकर दम्पति हत्या आरोपी पकड़ाइस

अंजोर.धमतरी, 2 जून 2021। थाना कुरुद के एफ.बी. टाउन (श्री राम कॉलोनी) के चंद्राकर व सुमित्रा उर्फ सुमन चंद्राकर के हत्या। के आरोपी पुलिस के गिरफ्त म हावय। जानबा होवय के चोरी के नियत ले घर म खुसरे चोर ह छत म धारदार हथियार अउ फर्शी पत्थर ले उंकर हाथ, गला, चेहरा अउ सिर ल मार के हत्या कर दे रिहिस। 

प्रभारी कुरुद अपन स्टाफ के संग मउका म पहुंचके उही बेरा अपन बड़का अधिकारी मनला आरो करिन। पुलिस अधीक्षक बी.पी. राजभानू, अतिरिक्त पुलिस अधीक्षक श्रीमती मनीषा ठाकुर रावटे, प्रभारी एसडीओपी कुरूद श्रीमती सारिका वैद्य अउ पुलिस अधिकारी घटनास्थल म पहुंचगे। प्रार्थी मिनेश चंद्राकर पिता गुहाराम चंद्राकर निवासी ग्राम परसवानी थाना कुरूद जिला धमतरी के रिपोर्ट म अज्ञात आरोपी के विरुद्ध धारा 302 भादवि के तहत अपराध पंजीबद्ध कर विवेचना म लिस। 

पुलिस ह टीम बनाके मामला म हर छोटे ले छोटे बात अउ घटना बरीकी ने जांच करिन। ये बखत आरो मिलिस के घटना के करीब 1 सप्ताह पूर्व मृतक तुलेस चंद्राकर के घर म सर्प घुसे रिहिस। तब वोहा विराट ढाबा म अपन साथी ल फोन करके सहयोग मांगे रिहिस जेमा ओ हा ढाबा म काम करइया राहुल ल ओकर घर भेजे रिहिस। घटना के दिन कहा रेहे, काकर संग रेहे पुछे म वो टूटगे अउ चोरी करे के नीयत ले शिक्षक दंपति के हत्या ल स्वीकार लिस।