इंजीनियरिंग अउ मेडिकल प्रवेश परीक्षा के तइयारी के खातिर अतिरिक्त कोचिंग के केंद्र ल पठोइस प्रस्ताव

अंजोर.रायपुर, 25 जून 2021। आदिम जाति अउ अनुसूचित जाति विकास मंत्री डॉ. प्रेमसाय सिंह टेकाम के अध्यक्षता म मंत्रालय महानदी म आवासीय अउ आश्रम शैक्षणिक संस्थान समिति संचालक मण्डल के बइठक आयोजित करे गिस। बइठक म शिक्षण सत्र 2021-22 म कक्षा 11वीं अउ 12वीं के पढ़ईया मन ल प्रतियोगी परीक्षा के खातिर अतिरिक्त कोचिंग के प्रस्ताव केन्द्र सरकार ल भेजे के अनुमोदन करिन। छत्तीसगढ़ म साल 2021-22 म केन्द्र सरकार डहर ले चार नवा एकलव्य आदर्श आवासीय विद्यालय के स्वीकृति दे हावय। मंत्री डॉ. टेकाम ह किहिन के प्रदेश म संचालित आवासीय अउ आश्रम के प्राचार्या अउ शिक्षक मनके प्रशिक्षण समय-समय म आयोजित होवत रहना चाही। ओमन अधिकारी मन ले किहिन के अभी के बेरा ल धियान म रखत लइका के पढ़ाई के बेवस्था के विकल्प भी सुनिश्चित करें। 

बैठक म बताइन गे के शिक्षण सत्र 2021-22 म कक्षा 11वीं अउ 12वीं के पढ़ईया मन के इंजीनियरिंग अउ मेडिकल प्रवेश परीक्षा के तइयारी के खातिर ऑनलाइन या ऑफलाइन विद्यालन सुरू होए के स्थिति के मुताबिक कोचिंग योजना सुरू करे के अनुमति के प्रस्ताव केन्द्र के भेजा जाही। विभाग के अधिकारी मन ह बताइन के राज्य म साल 2020-21 म भारत सरकार डहर ले 29 नवा एकलव्य आदर्श आवासीय विद्यालय स्वीकृत करे रिहिस, जेन सुरू हो चुके हावयं। अधिकारी मन ह बताइन के साल 2005 म 8 एकलव्य विद्यालय के स्वीकृति ले ये योजना सुरू होए रिहिस। अब अभी के बेरा म 24 जिला म एकलव्य विद्यालय 71 सुरू हो चुके हावयं। केन्द्र सरकार डहर ले प्रदेश म साल 2021-22 म चार नवा एकलव्य आदर्श आवासीय विद्यालय जशपुर जिला के विकासखण्ड मनोरा के गांव ढेंगनी अउ विकासखण्ड फरसाबहार, रायगढ़ जिला के विकासखण्ड लैलूंगा के गांव हीरापुर अउ सरगुजा जिला के विकासखण्ड लुन्ड्रा गांव सहानपुर के खातिर स्वीकृत करे  हावयं। ये विद्यालय के संचालन, मॉनिटरिंग, निरीक्षण, रोकथाम अउ केन्द्र ले चाहे गे जानकारी समय म भेजे के खातिर राज्य स्तरीय प्रकोष्ठ के जरूरत होही।

संचालक मण्डल के बइठक म नवा शिक्षा सत्र 2021-22 म कक्षा 6वीं म प्रवेश के खातिर कक्षा 5वीं के मापदंड म शिथिलता दे के अनुमोदन करिन। बइठक म बताइन के शिक्षण सत्र 2020-21 म कोविड-19 के सेती विद्यालय सुरू नइ होए। कक्षा 5वीं म पढ़त पढ़ईया मन ल जनरल प्रमोशन दे गे हावय। जेकर सेती कक्षा 5वीं म 50 प्रतिशत अंक अर्जित करे के अनिर्वायता ल शिथिल करे गे हावय। कक्षा 6वीं म प्रवेश के खातिर चयन परीक्षा के अंक के आधार म प्रवेश दे जाही। चयन परीक्षा के आयोजन 15 जुलाई के मंझनिया 12 बजे ले करार हावय। छत्तीसगढ़ म संचालित एकलव्य आदर्श आवासीय विद्यालय के खातिर भारत सरकार डहर ले स्वीकृत प्राचार्य, उप प्राचार्य, पीजीटी अउ टीजीटी शिक्षक के खाली पद के भरती नेशनल ट्रेनिंग एजेंसी डहर ले करे जाही। पद के भरती के खातिर आवेदन करे के आखरी तिथि 30 जून करार हावय।